Kelip túsetin árbir úshinshi shaǵym eńbek qatynastaryna bailanysty. Bul týraly Memlekettik qyzmet isteri agenttiginde ótken Ádep jónindegi komissiianyń birinshi otyrysynda aityldy, dep habarlaidy QazAqparat.
«Bizdiń elimizdegi Eńbek kodeksinde demalýǵa, 8 saǵattyq jumys tártibine qarasty máselelerdiń bári qarastyrylǵan. Memlekettik qyzmet isteri agenttigi memlekettik qyzmetshilerdiń jumysyna asa mán beredi. Memlekettik qyzmetshilerge qosymsha jumys istetý kerek bolǵan jaǵdaida Eńbek kodeksiniń 77-babyna súienýimiz kerek. Onda qyzmetshiniń jazbasha túrde kelisimi arqyly ǵana qosymsha jumysqa tartýǵa bolatyny jazylǵan. Qosymsha jumysqa tartý barlyq memlekettik organdarda Ádep jónindegi komitettiń atalǵan bapqa sáikes bolýyn qadaǵalaýmen júzege asatyn bolady», - deidi Ádep jónindegi komissiia múshesi Bibigúl Nurasheva.
Onyń aitýynsha, elimizde eńbekke qatysty daý-damailar - óte ózekti másele.
«Qosymsha jumys júkteý, jumysshynyń quqyǵyn taptaý - kelip túsetin árbir úshinshi shaǵym osyndai eńbek qatynastaryna bailanysty. Nur-Sultan qalasynyń ózinde ǵana sońǵy jyly jumysshylardyń quqyǵy buzylýyna bailanysty 8 myń shaǵym túsken. Men Ádep jónindegi komissiia múshesi bolý arqyly jumysshynyń quqyǵyn qorǵaý mádenieti boiynsha óz úlesimdi qosa alam dep oilaimyn», - deidi ol.
