كەلٸپ تٷسەتٸن ەربٸر ٷشٸنشٸ شاعىم ەڭبەك قاتىناستارىنا بايلانىستى. بۇل تۋرالى مەملەكەتتٸك قىزمەت ٸستەرٸ اگەنتتٸگٸندە ٶتكەن ەدەپ جٶنٸندەگٸ كوميسسييانىڭ بٸرٸنشٸ وتىرىسىندا ايتىلدى, دەپ حابارلايدى قازاقپارات.
«بٸزدٸڭ ەلٸمٸزدەگٸ ەڭبەك كودەكسٸندە دەمالۋعا, 8 ساعاتتىق جۇمىس تەرتٸبٸنە قاراستى مەسەلەلەردٸڭ بەرٸ قاراستىرىلعان. مەملەكەتتٸك قىزمەت ٸستەرٸ اگەنتتٸگٸ مەملەكەتتٸك قىزمەتشٸلەردٸڭ جۇمىسىنا اسا مەن بەرەدٸ. مەملەكەتتٸك قىزمەتشٸلەرگە قوسىمشا جۇمىس ٸستەتۋ كەرەك بولعان جاعدايدا ەڭبەك كودەكسٸنٸڭ 77-بابىنا سٷيەنۋٸمٸز كەرەك. وندا قىزمەتشٸنٸڭ جازباشا تٷردە كەلٸسٸمٸ ارقىلى عانا قوسىمشا جۇمىسقا تارتۋعا بولاتىنى جازىلعان. قوسىمشا جۇمىسقا تارتۋ بارلىق مەملەكەتتٸك ورگانداردا ەدەپ جٶنٸندەگٸ كوميتەتتٸڭ اتالعان باپقا سەيكەس بولۋىن قاداعالاۋمەن جٷزەگە اساتىن بولادى», - دەيدٸ ەدەپ جٶنٸندەگٸ كوميسسييا مٷشەسٸ بيبٸگٷل نۇراشەۆا.
ونىڭ ايتۋىنشا, ەلٸمٸزدە ەڭبەككە قاتىستى داۋ-دامايلار - ٶتە ٶزەكتٸ مەسەلە.
«قوسىمشا جۇمىس جٷكتەۋ, جۇمىسشىنىڭ قۇقىعىن تاپتاۋ - كەلٸپ تٷسەتٸن ەربٸر ٷشٸنشٸ شاعىم وسىنداي ەڭبەك قاتىناستارىنا بايلانىستى. نۇر-سۇلتان قالاسىنىڭ ٶزٸندە عانا سوڭعى جىلى جۇمىسشىلاردىڭ قۇقىعى بۇزىلۋىنا بايلانىستى 8 مىڭ شاعىم تٷسكەن. مەن ەدەپ جٶنٸندەگٸ كوميسسييا مٷشەسٸ بولۋ ارقىلى جۇمىسشىنىڭ قۇقىعىن قورعاۋ مەدەنيەتٸ بويىنشا ٶز ٷلەسٸمدٸ قوسا الام دەپ ويلايمىن», - دەيدٸ ول.
