Saran qalasyndaǵy QazTehna zaýytynda qurastyrylǵan Yutong markaly jiyrma tórt jańa avtobýs Qaraǵandydaǵy marshrýttarǵa shyǵady. Olar barlyq zamanaýi talaptarǵa jáne Evro-5 ekologiialyq klasyna sáikes keledi, dep habarlaidy "Ult aqparat".
Arbaǵa tańylǵan múgedekterge arnalǵan pandýstarmen jáne alańshalarmen, balaly analarǵa arnalǵan oryndarmen jabdyqtalǵan ár avtobýsta oǵan qosa konditsioner de ornatylǵan. Syiymdylyǵy – 51 adam.
«Taksokombinat-1» JShS kólik quraldaryn «Ónerkásipti damytý qory» AQ-nan jeńildikti lizing baǵdarlamasynyń arqasynda satyp ala aldy. Bir avtobýstyń quny 37 mln teńge.
Osylaisha tasymaldaýshy kompaniia parki 25%-ǵa jańartyldy. Avtobýstardyń ortasha tozý jasy 8-den 5 jasqa deiin tómendedi.
«Birinshi kezekte avtobýstar №1 jáne 30 marshrýttar boiynsha júredi. Sondai-aq, biz №7, 013, 28, 31 jelilerge qyzmet kórsetemiz. Avtobýstar elektrondy biletteý júiesine daiyn, – dedi «Taksokombinat-1» JShS direktory Aleksei Pen.
Búgingi tańda kásiporyn alty qalalyq jáne bir qala mańyndaǵy marshrýtqa qyzmet kórsetedi. Onyń arsenalynda barlyǵy 95 avtobýs bar.
Qoǵamdyq kóliktiń tusaýkeserine Qaraǵandy oblysynyń ákimi Jeńis Qasymbek qatysty. Ol avtobýstardyń sapasyn jáne jolaýshylarǵa yńǵaily bolý deńgeiin baǵalady. Óńir basshysynyń aitýynsha, 2-3 jyl ishinde Qaraǵandy, Temirtaý, Saran jáne Jezqazǵandaǵy qoǵamdyq kólikter barynsha jańartylady.
«Biyl Saran qalasy boiynsha 15 jańa avtobýs qatynaityn bolady. Qazir Jezqazǵanǵa 30 jańa avtobýs jetkiziledi dep kútilýde. Olar Saranda jasalady. Sonymen qatar aýdanaralyq jáne oblysishilik reisterge shyǵamyz», – dep ýáde berdi aimaq basshysy.
Maýsym aiynda qaraǵandylyq «Reis» JM tasymaldaýshysy úshin 16 jańa avtobýs jetkiziledi dep kútilýde.
