ساران قالاسىنداعى QazTehna زاۋىتىندا قۇراستىرىلعان Yutong ماركالى جيىرما تٶرت جاڭا اۆتوبۋس قاراعاندىداعى مارشرۋتتارعا شىعادى. ولار بارلىق زاماناۋي تالاپتارعا جەنە ەۆرو-5 ەكولوگييالىق كلاسىنا سەيكەس كەلەدٸ, دەپ حابارلايدى "ۇلت اقپارات".
ارباعا تاڭىلعان مٷگەدەكتەرگە ارنالعان پاندۋستارمەن جەنە الاڭشالارمەن, بالالى انالارعا ارنالعان ورىندارمەن جابدىقتالعان ەر اۆتوبۋستا وعان قوسا كونديتسيونەر دە ورناتىلعان. سىيىمدىلىعى – 51 ادام.
«تاكسوكومبينات-1» جشس كٶلٸك قۇرالدارىن «ٶنەركەسٸپتٸ دامىتۋ قورى» اق-نان جەڭٸلدٸكتٸ ليزينگ باعدارلاماسىنىڭ ارقاسىندا ساتىپ الا الدى. بٸر اۆتوبۋستىڭ قۇنى 37 ملن تەڭگە.
وسىلايشا تاسىمالداۋشى كومپانييا پاركٸ 25%-عا جاڭارتىلدى. اۆتوبۋستاردىڭ ورتاشا توزۋ جاسى 8-دەن 5 جاسقا دەيٸن تٶمەندەدٸ.
«بٸرٸنشٸ كەزەكتە اۆتوبۋستار №1 جەنە 30 مارشرۋتتار بويىنشا جٷرەدٸ. سونداي-اق, بٸز №7, 013, 28, 31 جەلٸلەرگە قىزمەت كٶرسەتەمٸز. اۆتوبۋستار ەلەكتروندى بيلەتتەۋ جٷيەسٸنە دايىن, – دەدٸ «تاكسوكومبينات-1» جشس ديرەكتورى الەكسەي پەن.
بٷگٸنگٸ تاڭدا كەسٸپورىن التى قالالىق جەنە بٸر قالا ماڭىنداعى مارشرۋتقا قىزمەت كٶرسەتەدٸ. ونىڭ ارسەنالىندا بارلىعى 95 اۆتوبۋس بار.
قوعامدىق كٶلٸكتٸڭ تۇساۋكەسەرٸنە قاراعاندى وبلىسىنىڭ ەكٸمٸ جەڭٸس قاسىمبەك قاتىستى. ول اۆتوبۋستاردىڭ ساپاسىن جەنە جولاۋشىلارعا ىڭعايلى بولۋ دەڭگەيٸن باعالادى. ٶڭٸر باسشىسىنىڭ ايتۋىنشا, 2-3 جىل ٸشٸندە قاراعاندى, تەمٸرتاۋ, ساران جەنە جەزقازعانداعى قوعامدىق كٶلٸكتەر بارىنشا جاڭارتىلادى.
«بيىل ساران قالاسى بويىنشا 15 جاڭا اۆتوبۋس قاتىنايتىن بولادى. قازٸر جەزقازعانعا 30 جاڭا اۆتوبۋس جەتكٸزٸلەدٸ دەپ كٷتٸلۋدە. ولار ساراندا جاسالادى. سونىمەن قاتار اۋدانارالىق جەنە وبلىسٸشٸلٸك رەيستەرگە شىعامىز», – دەپ ۋەدە بەردٸ ايماق باسشىسى.
ماۋسىم ايىندا قاراعاندىلىق «رەيس» جم تاسىمالداۋشىسى ٷشٸن 16 جاڭا اۆتوبۋس جەتكٸزٸلەدٸ دەپ كٷتٸلۋدە.
