Qaraǵandy oblysyndaǵy Saran shahtasynda kenshi qaza tapty, dep habarlaidy "Ult aqparat".
Oqiǵa 6 qarashada boldy. Atalmysh ken orny «ArselorMittal Temirtaý» AQ-na qarasty. Kompaniia basshylyǵy oqiǵa oryn alǵan bette dereý tiisti memlekettik organdar men kásipodaq uiymyn habardar etkenin málimdedi.
«Kenshiniń qaza tapqany jaily jaqyndaryna shahta ákimshiligi men kásipodaq ókilderi estirtti. Kásiporyn jumysy toqtatyldy», - dep habarlady «ArselorMittal Temirtaý» AQ baspasóz qyzmeti.
Jazataiym oqiǵany tekserý maqsatynda memlekettik komissiia quryldy.
