Qaraǵandy oblysyndaǵy "Saranskaia" shahtasynda taý-ken massasy opyrylyp, saldarynan 56 jastaǵy kenshi qaza tapty. Bul týraly "Qorǵaý" kómirshiler kásipodaǵy málim etti, - dep habarlaidy Tengrinews.kz tilshisi.
"Saranskaia shahtasynda jobalaý jumystary kezinde taý jynystary qulap, nátijesinde Bertagin Talǵat Aiapbergenuly qaza tapty. "Qorǵaý" kómirshiler kásipodaǵy kenshileri qaza bolǵan kenshiniń týǵan-týystary men jaqyndarynyń qaiǵysyna ortaqtasyp kóńil aitady", - delingen habarlamada.
Aqparat "ArselorMittal Temirtaý" AQ resmi saitynda rastaldy.
"24 naýryzda "Saranskaia" shahtasynda taý jynysy qulap, 1965 jyly týǵan kenshi qaza tapty. Kásiporynda komissiia jumys istep jatyr. Apattyń mán-jaiy anyqtalyp jatyr", - dedi kompaniia ókilderi.
