Qaraǵandy oblysynda búgin túnde 3 eldi mekende turǵyn úilerdi ot sharpydy. Órt saldarynan eki adam zardap shekip, bireýi qaza tapty, 19 adam evakýatsiialandy, dep habarlaidy "Ult aqparat".
27 qazan kúni saǵat 17:50-de Aqtoǵai aýdany Shashýbai kentinde, bir qabatty turǵyn úide qatty otynmen jylytatyn peshpen jylytý erejelerin buzý saldarynan (tútin murjasy tazalanbaǵan) 1983 jyly týǵan er adam ýly gazben ýlanǵan. Aýyr halde aýrýhanaǵa jatqyzyldy.
Taǵy bir órt 28 qazanǵa qaraǵan túni boldy. Saǵat 02:38-de Jezqazǵan qalasynyń Esenberlin kóshesindegi 5 qabatty turǵyn úidiń besinshi qabatyndaǵy páterde tońazytqyshtyń janǵysh bólikteri órtenip ketti. Qaraǵandy oblysy TJD kúshimen páterlerden baspaldaq marshy boiynsha 19 adam, onyń ishinde 2 bala evakýatsiialandy. Órt 03:01-de sóndirildi. Qaza bolǵandar men zardap shekkender joq. Aldyn ala málimetter boiynsha, órttiń sebebi elektr symdarynyń qysqa tuiyqtalýy boldy.
«Sol túni saǵat 05:24-te Saran qalasynda Nekrasov kóshesi boiynsha bir qabatty jeke turǵyn úide úi zattary men jihazdar, sondai-aq verandanyń aǵash konstrýktsiialary janǵan. Órt aýmaǵy 40 sharshy metrdi qurady. 78 jastaǵy úi iesi qaitys boldy. Órt 06:34-te sóndirildi. Órttiń shyǵý sebebi men adam óliminiń sebebi anyqtalýda», - dep málim etti TJD baspasóz qyzmeti.
Qutqarýshylar azamattardy órt qaýipsizdigi erejelerin saqtaýǵa shaqyrady. Peshpen jylytýdy retke keltirýmen qatar ony paidalaný erejeleriniń talaptaryn qatań saqtaý kerek. Únemi murjalardy jinalǵan kúieden tazalańyz. Peshter men elektr symdaryn jóndeýdi tek mamandarǵa tapsyryńyz!
Sonymen qatar órt sóndirýshiler jelini shamadan tys júktemeýge, onyń ishinde kóptegen elektr quraldaryn uzaq ýaqyt qaldyrmaýǵa keńes beredi. Sebebi bul elektr symdarynyń júktemesine ákeledi.
