Foto: Facebook.com
Sońǵy kúnderi áleýmettik jeliler men keibir buqaralyq aqparat quraldarynda Sara Alpysqyzy Nazarbaevanyń densaýlyǵy men qai jerde ekenine qatysty túrli boljamdar men shyndyqqa janaspaityn aqparattar taraǵan bolatyn. Osyǵan bailanysty Tuńǵysh Prezidentiniń keńesshisi – baspasóz hatshysy Aidos Úkibai resmi túsinikteme berdi, dep habarlaidy Ult.kz.
Aidos Úkibaidyń málimdeýinshe, Sara Nazarbaeva 2025 jyldyń sáýir aiynan beri Almaty qalasyndaǵy Qazaqstan Respýblikasy Prezidenti Is basqarmasynyń Meditsinalyq ortalyǵynyń Ulttyq gospitalinde em qabyldap jatyr.
Onyń aitýynsha, barlyq meditsinalyq protsedýralar bekitilgen standarttarǵa sai júrgizilýde jáne Sara Alpysqyzy otandyq dárigerlerdiń tolyq baqylaýynda.
Aidos Úkibai halyqty jaýapkershilikke shaqyryp, etikany saqtaýdy eskertti:
«Sara Alpysqyzynyń esimin paidalanyp, túrli alypqashpa áńgime taratpańyzdar», – dedi ol.
Sonymen qatar, ol resmi jáne naqty aqparatty tek resmi derekkózderden alý qajet ekenin erekshe atap ótti.
