foto: qazweek.kz
Sara Nazarbaeva negizin qalaǵan institýt memleket menshigine ótti. Ol endi «Órken» balalar salamaty ulttyq ǵylymi-tájiribelik institýty bolady, -dep habarlaidy "Ult Aqparat" HalyqUni aqparattyq portalyna silteme jasap.
«Órken» balalardyń ál-aýqatyn arttyrý ulttyq ǵylymi-praktikalyq institýty» kommertsiialyq emes aktsionerlik qoǵamy aktsiialarynyń memlekettik paketteri men úlesteri respýblikalyq menshikke jatqyzylǵan aktsionerlik qoǵamdar men sharýashylyq seriktestikterdiń tizimine endi.
Úkimet qaýlysynda Sara Nazarbaeva negizin qalaǵan institýttyń memleket menshigine ótkeni týraly jariialandy.
Aita ketsek, bul institýt keiingi 2 jylda jumys baǵytyn ózgertip, rebrending jasaǵan edi. «Adamnyń úilesimdi damýy ulttyq institýty» endigi jerde «Órken» balalar salamaty ulttyq ǵylymi-tájiribelik institýty» dep jariialandy.
Atalǵan institýt 2021 jyly Sara Nazarbaeva negizin qalaǵan «Bóbek» qorynyń janynan ashylǵan edi. Institýttyń negizgi missiiasy «Ózin-ózi taný» rýhani-adamgershilik bilim berý baǵdarlamasy arqyly eldiń adami áleýetin damytýǵa úles qosý boldy. Al Qazaqstanda «Ózin-ózi taný» rýhani-adamgershilik bilim berý baǵdarlamasy 2022 jyly zań júzinde óz jumysyn toqtatty, – delingen habarlamada.
Endigi ýaqytta «Órken» balalardyń ál-aýqatyn arttyrý ulttyq ǵylymi-praktikalyq institýty balalardyń ál-aýqatyn qamtamasyz etý júiesine járdem berýmen ainalysady. Onyń negizi maqsaty – qazaqstandyq balalardyń ál-aýqat deńgeiin Ekonomikalyq yntymaqtastyq pen damý uiymyna múshe elderdiń deńgeiine deiin arttyrý.
