فوتو: qazweek.kz
سارا نازارباەۆا نەگٸزٸن قالاعان ينستيتۋت مەملەكەت مەنشٸگٸنە ٶتتٸ. ول ەندٸ «ٶركەن» بالالار سالاماتى ۇلتتىق عىلىمي-تەجٸريبەلٸك ينستيتۋتى بولادى, -دەپ حابارلايدى "ۇلت اقپارات" HalyqUni اقپاراتتىق پورتالىنا سٸلتەمە جاساپ.
«ٶركەن» بالالاردىڭ ەل-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى» كوممەرتسييالىق ەمەس اكتسيونەرلٸك قوعامى اكتسييالارىنىڭ مەملەكەتتٸك پاكەتتەرٸ مەن ٷلەستەرٸ رەسپۋبليكالىق مەنشٸككە جاتقىزىلعان اكتسيونەرلٸك قوعامدار مەن شارۋاشىلىق سەرٸكتەستٸكتەردٸڭ تٸزٸمٸنە ەندٸ.
ٷكٸمەت قاۋلىسىندا سارا نازارباەۆا نەگٸزٸن قالاعان ينستيتۋتتىڭ مەملەكەت مەنشٸگٸنە ٶتكەنٸ تۋرالى جارييالاندى.
ايتا كەتسەك, بۇل ينستيتۋت كەيٸنگٸ 2 جىلدا جۇمىس باعىتىن ٶزگەرتٸپ, رەبرەندينگ جاساعان ەدٸ. «ادامنىڭ ٷيلەسٸمدٸ دامۋى ۇلتتىق ينستيتۋتى» ەندٸگٸ جەردە «ٶركەن» بالالار سالاماتى ۇلتتىق عىلىمي-تەجٸريبەلٸك ينستيتۋتى» دەپ جارييالاندى.
اتالعان ينستيتۋت 2021 جىلى سارا نازارباەۆا نەگٸزٸن قالاعان «بٶبەك» قورىنىڭ جانىنان اشىلعان ەدٸ. ينستيتۋتتىڭ نەگٸزگٸ ميسسيياسى «ٶزٸن-ٶزٸ تانۋ» رۋحاني-ادامگەرشٸلٸك بٸلٸم بەرۋ باعدارلاماسى ارقىلى ەلدٸڭ ادامي ەلەۋەتٸن دامىتۋعا ٷلەس قوسۋ بولدى. ال قازاقستاندا «ٶزٸن-ٶزٸ تانۋ» رۋحاني-ادامگەرشٸلٸك بٸلٸم بەرۋ باعدارلاماسى 2022 جىلى زاڭ جٷزٸندە ٶز جۇمىسىن توقتاتتى, – دەلٸنگەن حابارلامادا.
ەندٸگٸ ۋاقىتتا «ٶركەن» بالالاردىڭ ەل-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى بالالاردىڭ ەل-اۋقاتىن قامتاماسىز ەتۋ جٷيەسٸنە جەردەم بەرۋمەن اينالىسادى. ونىڭ نەگٸزٸ ماقساتى – قازاقستاندىق بالالاردىڭ ەل-اۋقات دەڭگەيٸن ەكونوميكالىق ىنتىماقتاستىق پەن دامۋ ۇيىمىنا مٷشە ەلدەردٸڭ دەڭگەيٸنە دەيٸن ارتتىرۋ.
