Qazaqstan otandyq taýar óndirýshilerdiń múddeleri qalai qorǵalady? Bul suraqqa OKQ-da ótken baspasóz máslihatynda Saýda jáne integratsiia ministri Baqyt Sultanov jaýap berdi, dep habarlaidy "Ult aqparat".
«Jalpy «Tehnikalyq retteý týraly» zań jobasy aiasynda biz birqatar mańyzdy mindetti sheship jatyrmyz. Atap aitqanda ishki naryqty «áktep», otandyq óndirýshilerdiń básekelestik artyqshylyǵyn qorǵaý kózdelýde. Jaýapsyz óndirýshiler men sapasyz import qatań baqylaýǵa alynyp, ondai ónim naryqtan shyǵarylatyn bolady», - dedi Baqyt Sultanov.
Ministrdiń aitýynsha, bul úshin jedel baqylaý mehanizmi memlekettik baqylaý formasy retinde engizilgeli jatyr.
«Iaǵni satýshy emes, ónimniń ózi tekseriletin bolady. Eger ol ónim sapasyz bolyp shyqsa, ol avtomatty túrde naryqtan alynyp tastalady», - dep túsindirdi Baqyt Sultanov.
