kollaj: Tengrinews.kz
Jambyl oblysynyń burynǵy ákimi Berdibek Saparbaev aimaq turǵyndarymen qoshtasty. Shyǵaryp salý keziniń videosyn oblys ákiminiń baspasóz qyzmeti Instagram-da jariialady, - dep habarlaidy Tengrinews.kz.
Saparbaev ózin shyǵaryp salýǵa kelgen adamdarǵa óziniń jáne otbasynyń atynan alǵys aitty. Keshirim de surady. Bir sátte burynǵy ákim kóz jasyna erik berdi.
"Meni qoldap, búgin kelgenderińiz úshin kóp raqmet. Meni shyǵaryp salasyzdar dep oilaǵan joq edim. Shamam kelgenshe Áýlieata jeri jaqsarsyn, halyqtyń jaǵdaiy durys bolsan dep jumys istedim. Kishkene bir nárseler bolsa keshirersizder. Biraq eń negizgisi qoldaǵandaryńyzǵa, ýaqyt bólip kelgenderińizge myń da bir raqmet", - dedi eks-ákim.
