Aqtóbe oblysynyń ákimi Berdibek Saparbaev armeniialyq investordyń aiyptaýyna jaýap berdi, - dep habarlaidy Diapazon.kz. Aita keteiik, investor biznesin Aqtóbe biligi tartyp aldy dep aiyptaǵan edi.
Biznesmenniń Prezidenttiń atyna jazǵan hatyna jaýap retindegi pikirin óńir basshysy Aqtóbe oblystyq máslihatynyń depýtattarynyń aldynda bildirdi.
"Sońǵy ýaqytta BAQ-tarda "OksiBild", "Adal-Ýmit" jáne "Iýnis Siti" kompaniialardyń qyzmeti qyzý talqylanyp jatyr. Gegam Asrian Aqtóbede jumys isteý múmkin emes dep jazady, aitýynsha, biznesin bireýler tartyp alyp jatyr" - dep keltiredi Saparbaev investordyń sózin. - Shyn máninde ózderińiz jaqsy bilesizder - eshkim tartyp alyp jatqan joq. Ásirese bul Arsianǵa qatysty. Biz onyń qandai investor bolǵanyn bilemiz. Qansha qarajatyn qaida quiǵanyn bilemiz. Gaz qubyryna qatysty. Yrǵyz ben Oiyl aýdanyna gazdy qalai kirgizgenimizdi bilesizder. Olar (Asriannyń kompaniiasy) jeti jyl boiy osy ispen ainalysty! Biz ózge kompaniialardy engizýimiz kerek bolǵan soń osy gazdy engizdik".
Sonymen qatar, oblys ákimi depýtattardan osy sózdi halyqqa jetkizýdi surady. "Sondyqtan durys túsindirýlerińizdi suraimyn. Halyqty dúrliktirýdiń qajeti joq: eshkim, Saparbaev ta, oblystyq basqa da basshylary da biznesti tartyp alyp jatqan joq. Kerisinshe, biz biznestiń damyp, jaǵdaiymyzdyń jaqsarýyna eńbek etip jatyrmyz. Biznes damymasa, halyqtyń 30 paiyzy biznespen ainalyspaityn edi, qazir óndirilip jatqan 22 paiyz ónimdi biznes bermeitin edi", - dedi óńir basshysy.
Aita keteiik, birneshe kún buryn armeniialyq investor Qazaqstan Prezidenti Nursultan Nazarbaevqa ashyq hat jazǵan edi. Hatynda ol "Aqtóbede biznesti reiderlik basyp júzege asyrylyp jatyr" dep málimdeidi.
"Búginde men basqaratyn JShS-ǵa reiderlik basyp alý áreketi júrgizilip jatyr, onyń maqsaty - kompaniianyń barlyq aktivin tartyp alý. Kásiporyndarda prokýratýra, MKD ekonomikalyq tergeýler qyzmeti tekseris júrgizdi, al 2016 jyldyń 5 qazanynda IID-niń jasaǵy JShS-nyń barlyq jumys qujattamasyn jáne mórin tárkilep, qyzmetin tolyqtai tusaýlap tastady. Kepil nysanyna jatpaityn barlyq nysanǵa tyiym salyndy, olardyń biri - qala syrtyndaǵy demalý bazasy, onda jergilikti politsiia kúni-túni kúzette tur, soǵan qaraǵanda ýaqytty bos ótkizbei (saýna, bassein, meiramhana, qonaqúiler)", - dep jazady ol hatynda. Sonymen qatar, málimdeýinshe, "ForteBank" múliginiń kepilde turýyna bailanysty manipýliatsiia úshin ádilet qyzmetkerlerine qatysty qylmystyq is arqyly munyń aldynda "Iýnis-Siti" turǵyn úi kesheninde páter satyp alǵan qarapaiym azamattardan baspanasyn tárkileý protsesin bastady. Páterlerine ielik etý quqyǵyn dáleldeitin qujaty bar qarapaiym júzdegen turǵyn baspanasynan aiyrylyp qalamyn ba dep qorqyp otyr eken.
"Bul áleýmettik dúrligý týǵyzýy múmkin. Olar úi-úidi aralap, turǵyndardy qorqytyp, aldap-soǵyp, "OksiBild" JShS-ǵa qatysty jańa qylmystyq is qozǵaý úshin 100-den asa aryz jazdyryp aldy", - deidi ol hatynda.
Basylymnyń málimetinshe, bul biyl bolyp otyrǵan osyndai ekinshi jaǵdai eken. Investorlar buǵan deiin de Aqtóbe oblysy biliginiń ústinen shaǵymdanǵan. Sol kezde Memleket basshysyna Germaniia azamaty - "Brig" ieleriniń biri ári basshylarynyń biri Gennadii Belts Aqtóbedegi biznes jaǵdaiyna shaǵymdanyp, hat jazǵan bolatyn.
