QR Premer-Ministriniń orynbasary Berdibek Saparbaev vedomstvonyń basym baǵyttaryn iske asyrý máseleleri jóninde QR Mádeniet jáne sport ministrliginiń basshylyǵymen kezdesý ótkizdi, dep habarlaidy "Ult aqparat" primeminister.kz saityna silteme jasap.
Vitse-premer memleket basshylyǵy jastarǵa rýhani-adamgershilik tárbie berýdi kúsheitý, naqty tájiribelik jáne ideologiialyq paida ákelýi tiis mádeni-buqaralyq is-sharalardy sapaly ótkizý mindetin qoiǵanyn eske saldy.
«Biyl uly aqyn Abai Qunanbaiulynyń 175 jyldyǵyna, ál-Farabidiń 1150 jyldyǵyna, Altyn Ordanyń 750 jyldyǵyna jáne Uly Otan soǵysyndaǵy jeńiske 75 jyl tolýyna orai kóptegen mereitoilyq is-sharalar ótkiziledi. Osy is-sharalardyń barlyǵyn muqiiat taǵy bir ret taldap, ideologiialyq sipatyn arttyrý kerek. Sondai-aq barlyq shyǵyndardy ońtailandyryp, bólingen qarajatty halyq igiligine jumsaý qajet», — dedi ol.
Berdibek Saparbaev buqaralyq sporttyń ásirese, jastar arasynda damý qarqyny tómen ekenin aityp ótti.
«Ministrlik bul baǵytta óńirlermen tyǵyz bailanys ornatýy tiis. Kóptegen is-sharalar halyqtyń basym bóligi ómir súretin oblystarda ótkiziletini málim. Jyl saiyn respýblika boiynsha kóptegen jańa sport keshenderi men mádeniet ǵimarattary salynyp jatyr. Degenmen, tájiribe kórsetkendei, sol ǵimarattardyń basym bóligi demalys jáne meiram kúnderi, keshki ýaqyttarda paidalanylmaidy. Balalarǵa bos ýaqyttarynda tegin nemese jeńildetilgen túrde túrli úiirmelerge, sektsiialarǵa, kitaphanalarǵa, teatrlarǵa jáne basqa da nysandarǵa baratyn jaǵdai jasaý qajet. Jastardyń jumyspen qamtylýyn qamtamasyz etý – kámeletke tolmaǵandar arasynda rýhani-adamgershilik tárbie berýdiń jáne quqyq buzýshylyqtyń aldyn alýdyń mańyzdy aspektisi», — dedi B. Saparbaev.
Vitse-premer aýyldyq jerlerde dene shynyqtyrý-saýyqtyrý keshenderin salý, «Altyn Shaiba», «Bylǵary dop» sekildi iri balalar men jasóspirimder jarystaryn ótkizý, aýdandar men aýyldarda respýblikalyq shyǵarmashylyq birlestikter men ujymdardyń gastrolderin uiymdastyrý jumystaryn jandandyrýdy tapsyrdy.
Berdibek Saparbaev týristik indýstriiany damytýdyń mańyzdy áleýetin atap ótti.
«Qazaqstan ishki týrizmdi damytý úshin de, sheteldik qonaqtardy qabyldaý úshin de úlken áleýetke ie. Bizdiń elimizdiń aýmaǵy úlken, bai tarihi jáne mádeni murasy, biregei tabiǵaty bar. Alaida biz qolda bar múmkindikterdi tolyǵymen paidalanyp jatqan joqpyz. Negizgi másele – atalǵan salaǵa strategiialyq investorlardy tartý. Arnaiy «Kazakh Tourism» kompaniiasyn qurdyq, kóp áńgime boldy, biraq naqty nátijeler ázirge joq», — dedi ol.
Buǵan qosa, vitse-premer til saiasatyn, protsessýaldyq sportty, kino indýstriiasyn damytý, Elbasynyń «Bolashaqqa baǵdar: rýhani jańǵyrý» baǵdarlamasy men «Uly dalanyń jeti qyry» maqalasy aiasyndaǵy is-sharalardy júzege asyrý boiynsha birqatar naqty mindetter qoidy.
