Premer-Ministrdiń orynbasary Qordai aýdanyndaǵy aýyldarda túngi ýaqytta qaýipsizdik pen quqyqtyq tártiptiń qamtamasyz etilýin tekserdi, dep habarlaidy primeminister.kz.
Senbi kúni túnde Berdibek Saparbaev Sortóbe, Masanchi, Qarakemer, Qarasý eldi mekenderin aralap shyqty. Sonymen qatar vitse-premer Qarasý jáne Sortóbe shekara pýnktteriniń, onyń ishinde santariialyq-epidemiologiialyq qyzmetterdiń jumys barysyn tekserdi.
B. Saparbaev aýdandaǵy qaýipsizdikti qamtamasyz etetin quqyq qorǵaý organdarynyń jeke quramymen sóilesti.
Eldi mekenderdegi jaǵdai birqalypty. Kúndiz jergilikti turǵyndarǵa endi tártipsizdiktiń bolmaityny, jaǵdaidyń baqylaýda ekeni aitylǵan bolatyn.
Kóshelerde adamdar men mashinalar joq, aýyldardyń arasynda da esh qozǵalys baiqalmaidy. Nur-Sultan qalasynan barǵan Úkimet komissiiasy jergilikti jerdegi jaǵdaidy baqylaý úshin Qordai aýdanynda qalady.
