Qazaqstan Respýblikasy Premer-Ministriniń orynbasary Berdibek Saparbaev Jambyl oblysyna jumys sapary barysynda qurylysy júrip jatqan Shahristan etno-mádeni keshenimen tanysty, dep habarlaidy "Ult aqparat".
Úkimet basshysynyń orynbasaryna keshendegi jumystar týraly oblys ákiminiń orynbasary Erkebulan Daýylbaev baiandady.
Búginde keshendegi 8 nysan boiynsha qurylys jumystary qyzý júrip jatyr. Qazirgi tańda qurylys-montaj jumystarynyń 85-90 paiyzy, árleý-bezendirý jumystarynyń 30-35 paiyzy aiaqtalǵan. Barlyǵy 500-dei qurylysshy, 30-dan asa tehnika jumyldyrylǵan. Árleý jumystary Samarqan stilindegi kirpishterimen júrgizilýine bailanysty Ózbekstannan arnaiy mamandar tartylýda. Infraqurylym men qamtý sharalary tolyǵymen oryndalyp bitken. Jalpy tórt gektar aýmaqty quraityn ortalyqtaǵy qurylys jumystarynyń tolyǵymen aiaqtalýy qarasha aiynyń aiaǵyna josparlanyp otyr.
Sondai-aq, B.Saparbaevqa keshen basynda stend arqyly «Tekturmas» etno-tarihi kesheninindegi josparly sharalar jaiy da tanystyryldy. Vitse-premer jasalyp jatqan jumystardy quptap, eki myń jyldan astam tarihy bar Taraz tarihyn tanytý jumystary Túrkistandy damytýmen qatar júrgizilýi kerektigin atap ótti. Sondai-aq, kóne Tarazdy halyqaralyq týristik ortalyqqa ainaldyrýdyń mańyzyn basa aitty.
