قازاقستان رەسپۋبليكاسى پرەمەر-مينيسترٸنٸڭ ورىنباسارى بەردٸبەك ساپارباەۆ جامبىل وبلىسىنا جۇمىس ساپارى بارىسىندا قۇرىلىسى جٷرٸپ جاتقان شاحريستان ەتنو-مەدەني كەشەنٸمەن تانىستى, دەپ حابارلايدى "ۇلت اقپارات".
ٷكٸمەت باسشىسىنىڭ ورىنباسارىنا كەشەندەگٸ جۇمىستار تۋرالى وبلىس ەكٸمٸنٸڭ ورىنباسارى ەركەبۇلان داۋىلباەۆ باياندادى.
بٷگٸندە كەشەندەگٸ 8 نىسان بويىنشا قۇرىلىس جۇمىستارى قىزۋ جٷرٸپ جاتىر. قازٸرگٸ تاڭدا قۇرىلىس-مونتاج جۇمىستارىنىڭ 85-90 پايىزى, ەرلەۋ-بەزەندٸرۋ جۇمىستارىنىڭ 30-35 پايىزى اياقتالعان. بارلىعى 500-دەي قۇرىلىسشى, 30-دان اسا تەحنيكا جۇمىلدىرىلعان. ەرلەۋ جۇمىستارى سامارقان ستيلٸندەگٸ كٸرپٸشتەرٸمەن جٷرگٸزٸلۋٸنە بايلانىستى ٶزبەكستاننان ارنايى ماماندار تارتىلۋدا. ينفراقۇرىلىم مەن قامتۋ شارالارى تولىعىمەن ورىندالىپ بٸتكەن. جالپى تٶرت گەكتار اۋماقتى قۇرايتىن ورتالىقتاعى قۇرىلىس جۇمىستارىنىڭ تولىعىمەن اياقتالۋى قاراشا ايىنىڭ اياعىنا جوسپارلانىپ وتىر.
سونداي-اق, ب.ساپارباەۆقا كەشەن باسىندا ستەند ارقىلى «تەكتۇرماس» ەتنو-تاريحي كەشەنٸنٸندەگٸ جوسپارلى شارالار جايى دا تانىستىرىلدى. ۆيتسە-پرەمەر جاسالىپ جاتقان جۇمىستاردى قۇپتاپ, ەكٸ مىڭ جىلدان استام تاريحى بار تاراز تاريحىن تانىتۋ جۇمىستارى تٷركٸستاندى دامىتۋمەن قاتار جٷرگٸزٸلۋٸ كەرەكتٸگٸن اتاپ ٶتتٸ. سونداي-اق, كٶنە تارازدى حالىقارالىق تۋريستٸك ورتالىققا اينالدىرۋدىڭ ماڭىزىن باسا ايتتى.
