Senat depýtaty Nurlan Beknazarov ataýly áleýmettik kómek mólsheri ulǵaiǵan kezde, azyq-túlik baǵasyn turaqtandyrý úshin qandai sharalar qolǵa alynatynyn surady, dep habarlaidy Sputnik Qazaqstan.
"Bizdiń elde jalaqy kóterilse, zeinetaqy ósse, azyq-túlik, sosyn halyqqa eń qajetti tutyný zattarynyń barlyǵy qymbattai bastaitynyn bilesizder. Bul qalyptasqan jaǵdai... Baǵanyń turaqtylyǵy áleýmettik qorǵaý jaǵyna da jaqsy ǵoi. Sol boiynsha tiisti ministrlikter baǵany retteý sharalaryn qarastyryldy ma?", - dep surady Beknazarov eńbek ministrinen Senatta ótken Úkimet saǵatynda.
Eńbek jáne halyqty áleýmettik qorǵaý ministri Berdibek Saparbaev mundai problema baryn joqqa shyǵarmady.
"Ókinishke qarai mundai qubylys bar. Munyń bári eki ortada júrgen alypsatarlar men saýdagerlerdiń áreketi. Jaqynda ǵana úkimet basshysy tiisti ministrlikterge tapsyrma berdi. Basqanyń bárin qoiǵanda, Ózbekstannan keletin kókónis Astana men Almatynyń bazarynda eki ese qymbatqa satylady", - dedi ministr.
Ol arnaiy jumys toby qurylǵanyn, olar jergilikti bilikpen jumys isteitinin atap ótti.
"Alypsatardy qurtpai, esh ýaqytta rettei almaimyz", - dedi Saparbaev.
