Búgin QR Prezidenti Qasym-Jomart Toqaev VII shaqyrylymdaǵy Parlamenttiń birinshi sessiiasynyń ashylýynda depýtattyq korpýstyń aldynda turǵan negizgi baǵyttardy aiqyndap berdi.
Bul týraly QR Parlamenti Senatynyń depýtaty Álimjan Qurtaev aitty, dep habarlaidy "Ult aqparat".
«Biz qasterli Táýelsizdigimizdiń 30 jyldyq mereili mejesine qadam bastyq. Sondai-aq, qazirgi zamanǵy Qazaqstan parlamentarizmi shirek ǵasyrlyq beleske jetti. Osy tarihi kezeńde senim mandatyna ie bolǵan depýtattar el úmitin aqtap, Otanymyzǵa adal qyzmet etedi dep kámil senemin»,- dedi Memleket basshysy.
Sonymen qatar, Memleket basshysy Parlament palatalarynyń birlesken otyrysynda saiasi reformalar júzege asatynyn atap ótti.
Atap aitqanda, saiasi partiialar úshin Májiliske kirý shegin 7-den 5%-ǵa deiin tómendetý - kóppartiialyq júieniń damýyna jáne partiialyq júieniń odan ári damýyna yqpal etetindigin baiandady.
Sondai-aq, aldaǵy ýaqytta barlyq deńgeidegi sailaýda biýlletenderge «bárine qarsy» baǵanynyń engiziletindigin jetkizdi. Jariialaǵan reformalar adam quqyqtaryn qorǵaýǵa baǵyttalatyndyǵy anyq.
Shaǵyn jáne orta biznesti qoldaýǵa basa nazar aýdarý qajettigin, biznes júrgizý úshin qolaily jaǵdai jasaý basty mindet ekendigin aitty. Túbegeili jańa retteýshilik saiasatqa negizdelgen kásipkerlikti qoldaý tetikterin ázirleý talap etildi.
Elimizdiń ónerkásibi ikemdi jáne qazirgi ózgeristerge beiim bolýy kerektigin atap, sondyqtan «Ónerkásiptik saiasat týraly» zań qabyldaý ózekti bolyp tabylatynyn jetkizdi.
«Ónerkásiptik saiasat týraly» zań aiasynda otandyq biznesti qoldaý men yntalandyrýdyń naqty sharalary, tiimdi tetikteri qarastyrylady.
Sonymen qatar, endi aldaǵy ýaqytta aýyl ákimderi men aýdan ákimderi sailaý negizinde taǵaiyndalatyn bolady. «Estitin memleket» tujyrymdamasy odan ári jetildirile túsedi. Sondai-aq, jańa standarttarǵa sai, 3500-den astam aýyl tolyq jańǵyryp, árbir aýylǵa baratyn joldar men respýblikalyq kúre joldar 100 paiyz jóndeletin bolady.
«Reformalardy sapaly zańdar arqyly júrgizý - uzaq merzimdi jetistikke jetýdiń basty sharty. Damyǵan el degenimiz - eń aldymen, deni saý, bilimdi jáne baqýatty jurt. Biz 2025 jylǵa qarai árbir azamat úshin tiimdi institýtsionaldyq jáne infraqurylymdyq orta qalyptastyramyz. Elimizdiń uzaqmerzimdi damýy Sabaqtastyq, Ádildik jáne Órleý qaǵidattaryna negizdeledi. Kózdegen maqsatqa jetý úshin barlyq salalarda dáiekti ózgerister jasaimyz», - dedi Qasym-Jomart Kemeluly.
Prezident jariialaǵan bastamalardy sapaly túrde júzege asyrýdyń mańyzy erekshe. Olardyń oryndalýy saiasi júiemizdi odan ári damytýǵa, azamattarymyzdyń tolyqqandy damýyna, ál-aýqatynyń artýyna jáne jaily turmysyna jaǵdai jasaý bolyp tabylady. Bizdiń aldymyzda turǵan ainymas meje aiqyn.
Bizdiń mindet memleket basshysynyń bastamalaryn iske asyra otyryp, elimizdi damyǵan memleketterdiń qataryna qosý jolynda aianbai eńbek etip, keshendi sharalardyń oryndalýyn zań turǵysynan qamtamasyz etý.
Aldaǵy ýaqytta elimizdiń ál-aýqatyn odan ári jaqsartyp, el ekonomikasyn damyta túsýdi kózdeitin jumystardy oryndaýdy áriptesterimizben jalǵastyratyn bolamyz.
