Foto: Sultanǵazy Sanjardyń jeke murǵatynan
Sultanǵazy Sanjar Kákimuly jas aqyn, Jetisý oblysy, Alakól aýdany, Bulaqty aýylynda dúniege kelgen. Jetisý oblystyq «Jetisý» gazeti veb-saitynyń jýrnalisi. «Apa, sen bolmasań» atty jyr-jinaqtyń avtory. Respýblikalyq aqyndar músháirasynyń júldegeri.
Foto: Sultanǵazy Sanjardyń jeke murǵatynan
AQERKEM
Ýaqytym da ózińmen
jaiqalady, Aqerkem,
Baqytym da kózińnen –
baiqalady, Aqerkem.
Kóńilim de senimen –
bosaidy eken, Aqerkem.
Ómirim de senimen –
jasaidy eken, Aqerkem.
Yrysym da senimen,
qosylady, Aqerkem,
Tynysym da senimen,
ashylady, Aqerkem.
Qýanyshym kóziń men,
ezýińde, Aqerkem,
Jubanyshym ózińmen,
kezigýde, Aqerkem.
Tilegime sheshimiń,
jat bolǵany-ai, Aqerkem.
Júregime esimiń,
jattalǵany-ai, Aqerkem.
II
Seni oilamai kúná oianý tańerteń,
Sensiz jerde tirshilik joq qainaǵan.
Bul mahabbat jipsiz ǵana, Aqerkem.
Seni maǵan, meni saǵan bailaǵan.
Sendei sulý joq, tappadym júregi aq,
Áitpegende talai-talai qyz kórdim.
Ekeýmizdiń baqytymyz bireý-aq
jáne jalqy armanymyz bizderdiń.
Qaiǵy jandy qinap ábden qaryp tur,
Shýaǵyńa bólep jylyt, shyrailym.
Ómirimdi óziń syndy jaryq qyl,
Saǵan túsken sáýlesimen Qudaidyń.
Ekeýmizde sezim de bar jasyryn,
Bári de ony bilip júrgen biraq ta.
Meni unatyp jol taptyń ba, ǵashyǵym,
Al men kirdim seni súiip jumaqqa.
III
Jumaq seniń janaryńda, kielim,
Jer betinde sen siiaqty joq arý.
Shashtaryńnyń ár talyn da súiemin,
Qandai ǵajap júregińe qamalý.
Seni kórsem joǵalady ýaiym, muń,
Seni kórsem kóteremin eńsemdi.
Kózderińe kómilýge daiynmyn,
Qastaryńda qaza bolyp men sorly.
Sensiz kún de maǵan sáýle shashpaidy,
Sensiz Aidyń jaryǵy da muń bolyp.
Ómirimniń baqytyna bastaidy,
Seniń basqan ár qadamyń nurlanyp.
Kóńilimniń óziń eken tynshýy,
Ras, ózińsiń maǵan aýa jetpeidi.
Seniń soqqan júregińniń dúrsili
Áli kúnge qulaǵymnan ketpeidi.
IV
Birge kórip dala menen qalany,
Tek ózińmen birge qanat jaiamyn.
Ǵumyrdaǵy jalǵyz baqyt bolady,
Senimenen atalsa ómirbaianym.
Kóńilińnen kóńilime kúi aqty,
Ǵashyqtardyń júregine qonatyn.
Seniń kóziń kitaphana siiaqty,
Bárin oqyp, kórýge de bolatyn.
Demiń menen demim birge basylyp,
Jasyń menen jasym birge tunypty.
Sanammenen sanań birge qosylyp,
Túisigiń men túisigim de birikti.
V
Seniń qanyń quiylǵandai qanyma,Meniń qanym uiylǵandai qanyńa,
Seniń janyń úiir qandai janyma,
Meniń baǵym buiyrǵandai baǵyńa.
Iyqtarym tireidi eken basyńdy,
Súiikti ánim tókkeninde jasyńdy.
Taǵat qalmai sen dep bara beremin,
Saǵat bolmai shóldep qala beremin.
Shamam bolsa qushaqtaimyn tas qylyp,
Odan qalsa mahabbatym asqynyp –
Belińdegi qolymdy aldym men beibaq,
Erindegi erindi alǵym kelmeidi-aq...
AǴATAI, AÝYL JAQTA NE JAŃALYQ?
– Aǵatai, aýyl jaqta ne jańalyq?
– Bári tozǵan, áli de tozary anyq.
Áli aýyldy kóresiń, kórkeitedi
degen mendik kóńilde boz ala úmit.
Aýylda qalǵan qaida,
Jeńgem de ózi qalany armandaidy, á?
Ájemmen sháidespegen ájeler men,
Atammen dámdes bolǵan shaldar qaida?
Qala munaraly,
Kógindegi kók týy – tuman áni.
Kók tútinnen qashqanda, qońyr joldan,
Kók kúshigim qarsy alyp shyǵa ma áli?
Unaityn aýylymnyń keshi maǵan;
Erkeletken jalǵyzyn esil anam.
Egin salyp entikken eńkish shal men
Emirengen kempirdi esime alam.
Jel sybyzǵy oinaǵan qalqadan kep
Sarǵaityp, kúni de ótken arqadan kóp.
Saǵat sanap, san qoidy sanap júr me,
Saptamamen sary uldar sar taban bop.
– Aǵatai, aýyl jaqta ne jańalyq?
– Bári tozǵan, áli de tozary anyq.
...Súikimsiz Sultan qaptap san aýylǵa,
Oinamaidy tósinde Qoja naǵyp...
NAN
Sharbaǵyna kórshiniń artylam kep,
Al jeńgei nan bere me?
Ol kúmán bop.
...Bútin nanǵa jarymai qoidyq pa, ana,
Keshke deiin qaryzǵa jarty nan jep.
Aitamyn kúz dep sony,
Sol kúzdiń jibimeitin muz bop sheri
«Jarty nandy qaitar» dep jeńgei sosyn,
Kesh kirmesten keletin izdep seni.
Qaiǵyrsań joqty qaiǵyr,
Tońazymai tańdar da atty qaibir.
Ornyna endi oisyrap olqy túsken,
Osyndaida kókemniń joqtyǵy-ai bir.
...Qýanǵannan aitylsyn kúnde «alaqai»
Qýanǵannan aitylsyn kúnde «alaqai»
Bir nan artyq alamyn búginder men,
Surap qalsa berem dep bir balaqai.
Sheshem solai ómirge ókpeledi...
Jaǵdaiyn bar demedi ol, joq demedi.
Nan izdetpei anańa, menen sura,
...Meniń anam nan izdep ketken edi,
sodan soń oralǵan joq.
APA
Qartaimaýyń kerek, Apa,
Sen úshin –
Qudaimenen jasap kelem kelisim...
Sen o basta qaisar, qatal, ótkir eń,
Ómirge ótken ókpeń menen ókinishiń kóp bilem.
Odan qaldy saǵynyshyń sarysýdai tur áni,
Al júregiń qanshama ret qaiǵy jutyp, jylady.
Tirshilikte tiri kúniń – taýyp júrgen tabysym...
Qarsy alady qai kezde de baýyrsaǵyń, bálishiń.
Odan qaldy jan-jaǵyńa kózińdi ylǵi alartyp,
Otyrasyń únemi sen oimaǵyńdy joǵaltyp.
Siyr saýyp, sút pisirip, qurt ta jaiyp ońasha.
Kóz jasyńdy kórsetpeisiń bireý saǵan qarasa.
Aq júreksiń, aqkóńilsiń, aqpeiilsiń sonshama,
Kórshi kempir kóilegińdi kiip toiǵa barsa da...
Quiǵan, Apa, sháiiń nege sondai tátti desem men,
Usynady ekensiń ǵoi bar meiirim-keseńmen...
Apa, sen bolmasań
Bar ýaiymdy basqa salar edim ǵoi,
Mańdaiymdy tasqa soǵar edim ǵoi.
Ajarym da sartap bolar edi ǵoi,
Bazarym da tarqap qalar edi ǵoi,
Joldarym da birge bolmas edi ǵoi,
Qorǵanym da múlde qalmas edi ǵoi.
Sulýlyqty kórmei keter edim ǵoi,
Jylýlyqty bermei keter ediń ǵoi.
Aibynym da shógip qular edi ǵoi,
Qaiǵy-muń da tónip turar edi ǵoi.
Kúlemin be? Kúlý bolmas edi ǵoi!
Júregimde jylý qalmas edi ǵoi.
Bolashaǵym bólekteitin edi ǵoi.
Bala-shaǵym ol ótpeitin edi ǵoi...
Jetimderdiń kúiin kesher edim ǵoi,
Jetimderdiń úiinde óser edim ǵoi...
ANAShYM
Eń sońǵy ret qulap, turdyń, Anashym,
Men sorly bop jylap turdym, Anashym.
Nur-óńiń de tunyq ketti, Anashym,
Júregiń de sýyp ketti, Anashym.
Aqylym da joq ózińdei, Anashym,
Jaqynym da joq ózińdei, Anashym.
Sherli kúnge enteleimin, Anashym,
Endi kimge erkeleimin, Anashym.
Ań-tań bolyp qalyp edim, Anashym,
Jaýtań qaǵyp qalyp edim, Anashym.
Qadiri ne bul balanyń, Anashym,
Qabirińe gúl qadadym, Anashym.
Jer kóktedi, uǵynbadym, Anashym,
Sen ketkeli jylynbadym, Anashym,
Ne ótken bop qala almadyń, Anashym,
Ne kóktem bop oralmadyń, Anashym...
