Bul qalaǵa kelgen jannyń ádebi atmosferany sezinbeýi múmkin emes. Osyǵan deiin Piter turǵyndarynyń kitapty kóp oqityny týraly ańyzdy talai estidik qoi. Biraq kózben kórgenniń áseri basqa eken.
Metro, avtobýs, qoǵamdyq oryndar, eń aiaǵy kafe-meiramhanalaryndaǵy adamdaryna deiin qoldaryndaǵy kitapqa úńilip otyrǵanyn kóresiń. Mynandai ortada júrip, kitapty jaqsy kórmeý múmkin emes shyǵar. Jas demeidi, kári demeidi, barlyǵynyń qolynan kitap túspeidi. Jáne ne kóp, kitap dúkeni kóp. Aijan ekeýmiz tańerteń mýzeige nemese ózge de kórýimiz tiis jerlerdi josparlap qonaqúiden shyǵamyz, biraq joldan kitap dúkeni kezdesse, ishine kirip ainalshyqtap shyǵa almai qalamyz. Aiaǵynda "Qoi, kitap almai tura turaiyq. Áli de kórýimiz tiis jerler bar. Solardy kórip biteiikshi, sosyn alamyz" dep birimizdi-birimiz súiregendei bolyp shyǵaramyz. Sonyń ózinde ár kirgen dúkenimizden birdeńe ile ketemiz. Aqyry ne kerek, sóitip júrip baratyn jerimizge túste áreń jetemiz ǵoi. Óitkeni dúkenderiniń ishi kirseń shyqqysyz, kózdiń jaýyn alardai ásem. Ózge álemge túsip ketkendei bolasyń. Al syrty kirmesińe qoimai, kózińdi arbap turady. Eń aiaǵy kafe-restorandary da jazýshylarynyń atymen atalady. Anaý bir sýrettegi foto kezinde Pýshkin aialdaǵan kafe. Ataqty aqyn otyrǵan oryndyqqa onyń músinin ornatyp, "literatýrnoe kafege" ainaldyryp qoiǵan.
Aitpaqshy, Ermitajdy aralap júrip, bir tamasha bólmege tap boldyq. Ózim internetten kórip, kitaptaryna qyzyǵyp júrgen bir sýret bolatyn. Oǵan qarap, bolashaqta úiim bolsa, bir bólmesin osyndai kitaphanaǵa ainaldyrsam ǵoi dep armandap qoiatynmyn. Aqyry ne kerek, sol fotodaǵy kitaphana Ermitajda aldymnan shyǵady ǵoi. Sóitsek, ol II Nikolai patshanyń kitaphanasy eken ǵoi! Keremet endi!
Al myna sýretter sózimniń dáleli. Bárin de ózimiz túsirgenbiz.
Marfýǵa Shapiiannyń feisbýktegi jazbasynan
