Foto: Pixabay
Premer-Ministrdiń orynbasary – Qarjy ministri Erulan Jamaýbaev sán-saltanat salyǵyn engizý baǵytynda qandai jumys júrgizilip jatqanyn aitty, dep habarlaidy Kazinform agenttigi.
«Tiisti jumys toby bar. Onda júzdegen otyrys ótkizdik. Oǵan bailardy shaqyryp, pikirin eshkim suraǵan joq. Sebebi memlekettik organdardyń, biznestiń, «Atameken» UKP ókilderi men depýtattar jáne basqa da sarapshylardy shaqyryp, talqylaý júrgizemiz. Ulttyq ekonomika ministrliginiń janynda ekonomikalyq zertteýler institýty bar. Osy institýtta búkil másele talqylanyp jatyr. Bailyq degen - jaman motivatsiia emes. Ár adam, ár kásipker birinshi kezekte jaǵdaiyn jaqsartýǵa kóńil bóledi jáne sol baǵytta jumys isteidi», - dedi ol Úkimet otyrysynan keiin BAQ ókilderiniń saýalyna orai.
Sonymen qatar ol salyq bailyqqa emes, asyra bailyqqa salynatynyn atap ótti.
«Salyq kez kelgen bailyqqa salyna bermeidi. «Roskosh» termini qazaqsha aýdarǵanda «sán-saltanat» bolady. Biz sony anyqtap alýymyz kerek. Buǵan deiin Ulttyq ekonomika ministri de, vitse-ministr de «salyqty asyra bailyqqa qarastyramyz. Quny óte qymbat ushaqtar, iahtalar jáne taǵy basqa asyl zattarǵa qarastyrylady» degen bolatyn. Olardyń tizimi bolady. Tek solarǵa joǵary salyq salynady», - dedi Erulan Jamaýbaev.
