«Samuryq-Qazyna» qorynda Mońǵoliianyń Chinggis Khaan Sovereign Wealth Fund Holding LLC ulttyq ál-aýqat qorynyń ókilderine arnalǵan eki kúndik onlain-vorkshop bastaldy.
Is-shara - eki el deńgeiinde qol jetkizilgen ýaǵdalastyqtardyń tájiribelik jalǵasy. 2026 jyly 21 sáýirde Mońǵoliia Prezidentiniń Qazaqstanǵa memlekettik sapary barysynda Memleket basshysy Qasym-Jomart Toqaevtyń qatysýymen «Samuryq-Qazyna» men Chinggis Khaan Sovereign Wealth Fund (buǵan deiin – Erdenes Mongol LLC) arasynda ózara túsinistik jáne yntymaqtastyq týraly memorandýmǵa qol qoiyldy.
Memorandýmnyń negizgi mindetteriniń biri – saraptamalyq bilim men úzdik tájiribelermen almasý, kadrlyq áleýetti damytý jáne oqytý baǵdarlamalaryn uiymdastyrý.
Vorkshop
2026 jyly 3–4 qyrkúiekte «Samuryq-Qazyna» AQ mońǵoliialyq áriptesterge arnalǵan eki kúndik onlain-vorkshop ótkizedi.
«Samuryq-Qazyna» mamandary Mońǵoliiadan kelgen áriptesterge korporativtik basqarý, adami resýrstardy basqarý, investitsiialyq jobalar, kapital naryqtary jáne jekeshelendirý, satyp alýlar, áleýmettik investitsiialar men servistik protsester salalaryndaǵy tájiribesin usynady.
Atap aitqanda, qordyń basqarýshy direktory Saltanat Sátjan Qazaqstannyń eń iri ulttyq holdingi – «Samuryq-Qazyna» AQ jalpy somasy shamamen 88 mlrd AQSh dollaryn quraityn aktivterdi basqaratynyn atap ótti.
«Qor jumys istegen jyldar ishinde aktivterdi basqarý, korporativtik basqarý, investitsiialyq qyzmet, adami kapitaldy damytý jáne basqa da baǵyttar boiynsha eleýli tájiribe jinaqtady. Biz bul tájiribemen Chinggis Khaan Sovereign Wealth Fund qoryndaǵy áriptesterimizben bólisýge qýanyshtymyz. Biz úshin bilim almasý tek teoriialyq emes, eń aldymen tájiribelik sipatta bolǵany mańyzdy. Sondyqtan vorkshop aiasynda kúndelikti jumysymyzda qoldanylatyn naqty tásilder men quraldardy qarastyramyz», – dedi ol.
Baǵdarlama ulttyq ál-aýqat holdingi qyzmetiniń negizgi baǵyttaryn qamtityn jeti taqyryptyq modýlden turady:
korporativtik basqarý;
adami resýrstardy basqarý;
áleýmettik investitsiialar jáne qaiyrymdylyq;
investitsiialyq jobalar portfeli;
kapital naryqtary jáne jekeshelendirý;
satyp alýlar;
qordaǵy servistik protsester.
Sessiialar barysynda «Samuryq-Qazyna» mamandary topta qoldanylatyn tájiribelik tásilder men quraldardy tanystyryp, sondai-aq aktivterdiń iri ártaraptandyrylǵan portfelin basqarý boiynsha jinaqtalǵan tájiribesimen bólisti.
Korporativtik basqarý modeli men portfeldik kompaniialarmen ózara is-áreketke, investitsiialyq jobalardy baǵalaý jáne iske asyrý tásilderine, adami kapitaldy damytýǵa, satyp alýdyń biryńǵai júiesin uiymdastyrýǵa jáne operatsiialyq tiimdilikti arttyrýǵa erekshe nazar aýdarylady.
Kapital naryqtary men jekeshelendirýge arnalǵan jeke modýlde «Samuryq-Qazyna» AQ-nyń memlekettik aktivterdi iske asyrý jáne portfeldik kompaniialardy IPO jáne SPO arqyly kapitaldyń jariia naryqtaryna shyǵarý tájiribesi tanystyryldy.
Sondai-aq, qor áleýmettik investitsiialar men qaiyrymdylyq, servistik protsesterdi uiymdastyrý jáne toptaǵy qosalqy qyzmetterdi shoǵyrlandyrý salalaryndaǵy tájiribesimen bólisedi.
Eki ulttyq ál-aýqat qory arasyndaǵy tájiribe almasý – Qazaqstan-Mońǵoliia seriktestigin nyǵaitýdaǵy jáne ulttyq aktivterdi basqarý, investitsiialar salalaryndaǵy yntymaqtastyq pen birlesken jobalardy ári qarai iske asyrýdyń negizin qalyptastyratyn mańyzdy qadam.
«Samuryq-Qazyna» AQ jalpy somasy shamamen 88 mlrd AQSh dollaryn quraityn aktivterdi basqarady, al onyń investitsiialyq portfelinde jalpy quny shamamen 52 trln teńge bolatyn 130-ǵa jýyq joba bar.
Chinggis Khaan Sovereign Wealth Fund Holding LLC (nemese Chinggis Khaan National Wealth Fund Corporation) – Mońǵoliianyń ulttyq ál-aýqat qory. Qor 2024 jyly sáýirde Erdenes Mongol memlekettik taý-ken holdinginiń qamqorlyǵymen quryldy. 2026 jyly Mońǵoliia Úkimeti aýqymdy reforma júrgizip, eldiń tabiǵi resýrstaryn basqarý maqsatynda Erdenes Mongol aktivteri men qor aktivterin birtutas korporatsiiaǵa tolyqtai biriktirdi.
