Memleket basshysynyń Qordyń satyp alýlar júiesin jetildirý jónindegi tapsyrmalaryn oryndaý maqsatynda «Samuryq-Qazyna» AQ satyp alýlardyń jańa ádistemesin ázirledi, dep habarlaidy QazAqparat.
«Samuryq-Qazynanyń» satyp alýlaryn júzege asyrýdyń jańa tártibin qoǵammen talqylaý úshin qujattyń jobasy resmi veb-saitta jariialandy. Bul bastama Qordyń kompaniialar tobynda satyp alýlar úderisin ashyq, jariialy túrde ári qoljetimdi etý úshin iske asyrylýda. QR Qarjy ministrliginiń usynysymen, satyp alýlardyń jańa tártibiniń jobasy satyp alýlardyń barlyq protsedýralaryn qamtidy, ózge qujattarǵa siltemesi joq. Demek, tikelei qoldanylatyn qujat bolyp sanalady», - delingen qordyń málimetinde.
Mańyzdy ózgeristerdiń biri retinde bir kózden satyp alýǵa negiz bolatyn faktorlardy barynsha azaitýdy atap ótýge bolady. Budan bólek, holding ishinde satyp alýlardy tolyǵymen alyp tastaý kózdelip otyr.
Baqylaý sharalarynyń ashyqtyǵyn qamtamasyz etý maqsatynda baqylaý Erejesiniń jobasyna usynys retinde baqylaý nátijelerin arnaiy aqparattyq júie – shaǵymdar reestrine ornalastyrý kózdelgen. Qazirgi tańda portalda shaǵymdardy qaraý tártibi iske asyrylǵan.
Al, shaǵymdanýshylar ózderiniń aryzdarynyń qaralý protsesin, oryndaýshynyń aty-jóni men sheshim shyǵarý merzimderi siiaqty barlyq aqparatty onlain túrde kóre alady. 26 qańtar kúni «Atameken» ulttyq kásipkerler palatasynyń alańynda satyp alýlardy reformalaý boiynsha onlain-konferentsiia uiymdastyryldy. 27-shi qańtarda Qordyń Basqarma tóraǵasy A.M. Sátqaliev biznes-qoǵamdastyq ókilderimen ashyq onlain-konferentsiia ótkizdi. Onda «Samuryq-Qazyna» AQ satyp alýlar júiesin jetildirý máselesi jan-jaqty pysyqtaldy.
Qordyń satyp alýlary, iaǵni josparlaýdan bastap, kelisimshartty jasasý jáne ony oryndaýǵa deiin satyp alýlardyń veb-portalynda avtomatty túrde júzege asyrylady. Ol barlyq múddeli tulǵalar úshin qoljetimdi jáne «Atameken» UKP-nyń Biryńǵai satyp alýlar terezesimen integratsiialanǵan. Biznes-qoǵamdastyqtyń jáne azamattyq qoǵam belsendileriniń Qordyń satyp alýlar júiesin jetildirý boiynsha barlyq usynystary arnaiy ashylǵan usynys@sk.kz elektrondy poshtasyna da qabyldanady. Atalǵan poshtaǵa azamattardan shamamen 400 usynys kelip tústi. Sonyń júzden astamy satyp alýlar máselesine arnalǵan. Barlyq usynystar júielendirilip, saraptalyp, biznes-qoǵamdastyqpen, «Atameken» UKP jáne múddeli memlekettik organdarmen talqylanýda.
Pikir almasý nátijesinde, ári qarai Qarjy ministrligi jáne Básekelestikti qorǵaý jáne damytý agenttigimen kelisilgen soń, Satyp alýlardyń jańa tártibi qabyldanady. Qordyń satyp alýlar júiesin damytý Prezidenttiń tapsyrmalaryna sáikes ári qarai jalǵastyrylatyn bolady jáne eń aldymen, otandyq biznesti damytýǵa baǵyttalady.
