«Elimizge kelip jatqan Resei azamattary «Samuryq-Qazyna» qory jáne oǵan qarasty kompaniialarda jumys istei ala ma?». Bul máselege qordyń qoǵammen bailanys jáne ózgeristerdi basqarý jónindegi direktory Ǵibrat Aýǵanov túsinik berdi, dep habarlaidy QazAqparat.
«Resei azamattaryna qatysty tyiym joq. Eger azamattyń jumys isteýge ruqsaty bolsa, talapqa sáikes kelse, tek qana «Samuryq-Qazyna» emes, basqa da kompaniiada jumys istei alady. HR Qazaqstannyń eńbek zańnamasyna sai jumys isteidi. Resei azamattary arasynda qabiletti kandidat bolsa, olar bos jumys ornyna jariialanǵan baiqaýǵa qatysa alady», - dedi Aýǵanov atalǵan vedomstvoda ótken baspasóz máslihatynda.
Onyń aitýynsha, búginde qorda 800-ge jýyq shetel azamaty eńbek etip jatyr.
«Samuryq-Qazyna qorynda jalpy sany 250 myńnan astam adam jumys isteidi. Onyń ishinde 749-y – sheteldik maman. Atap aitqanda, shetel azamattarynyń 613-i – óndiristik, al 133-i ákimshilik-basqarý personaly», - deidi ol.
Sondai-aq «Samuryq-Qazyna» ókili qorǵa qarasty barlyq kompaniiadaǵy bos jumys oryndary «SamrukQyzmet» biryńǵai rekrýting portalynda jariialanatynyn aitty.
«Úmitkerlerdi bastapqy irikteý protsesi avtomattandyrylǵan. Bul adami faktor jáne sybailas jemqorlyq qaýpiniń aldyn alady. Ár úmitkerdiń ótinishi jeke qaralady jáne barlyǵymen keri bailanys ornatylady. Portal iske qosylǵaly 20 myńnan astam bos jumys orny jariialandy. Osy kúnge deiin 7 myńnan astam adam jumysqa turdy. Búginde «Samruk Qyzmet» portalynda 123 myńnan astam ótinish berýshi tirkeldi», - dedi Aýǵanov.
