«Samuryq-Qazyna» jobalary: aimaqtarda qansha jumys orny ashylady?
«Samuryq-Qazyna» óńirlerdegi basymdyqqa ie 16 jańa infraqurylymdyq jobanyń tizimin usyndy. Olar qor ázirlegen 2032 jylǵa deiingi damý strategiiasynyń jobasyna kirdi. Bul – jańa munai-gaz óńdeý kásiporyndary, gaz qubyrlary, elektr stantsiialaryn jańǵyrtý men salý, qosymsha temirjol jelilerin qurý.
Internetti, ár óńirde 5G jelisin damytý josparlanǵan. Sonyń arqasynda aqparatqa qoljetimdilik artyp, jalpy ekonomikanyń jumysy jedeldeidi, óitkeni, óndiristi jedel tsifrlandyrý men avtomattandyrýǵa jol ashylady. Kaspii teńiziniń tereńine talshyqty-optikalyq kabel tóseledi. Bul - dúniejúzilik jelige qosylýdyń jańa arnasy.
Basym jobalar = jumys oryndary
«Samuryq-Qazynanyń» 13 basym jobasynyń birinshi tizimi kóktemde tanystyryldy. Bastamalar «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasyna endi.
Tizimge munai-gaz himiiasy kásiporyndary, Kendirli (Mańǵystaý oblysy) tushylandyrý zaýytyn salý, «Astrahan-Mańǵyshlaq» magistraldyq sý qubyryn qaita qurý, Almatydaǵy úsh iri JEO qýatyn arttyryp, gazǵa aýystyrý, Túrkistan oblysyndaǵy jańa gaz elektr stantsiiasy, Qytaidan Reseige ótetin «Dostyq-Moiynty» temirjol dálizin qaita qurý siiaqty bastamalar endi. Boljamǵa sáikes, jobalar elde 15 myńǵa jýyq jańa jumys ornyn ashady.
«Samuryq-Qazynanyń» esepteýinshe,
● «QazMunaiGaz»-dyń tórt jobasy qurylys kezeńinde 16 myńnan astam jáne paidalanýǵa berý kezinde 2 myńnan astam jumys ornyn qamtamasyz etedi.
●Almaty JEO-yn 2022-2028 jj. gazǵa aýystyrý jobalarynyń qurylys kezeńinde 1,5 myńǵa deiin jáne stantsiialardy paidalaný kezinde 700-ge jýyq jumys orny qurylady.
● Qashaǵan ken ornynda GÓZ salynady, ol 500-den astam turaqty jumys ornyn ashady. Zaýyt salý úshin taǵy da 400-den astam maman qajet.
● Tuzsyzdandyrý zaýyttary men sý taratqyshtardy, sondai-aq jańa temirjol jelilerin salý aiasynda 7000-ǵa jýyq jumys orny qurylady.
● QazaqGaz 2022-2026 jyldary gaz qubyrlaryn keńeitip, qalalar men óndiristerge gaz jetkizbek. Kompaniianyń 831 mlrd teńgeni quraityn 9 jobasy sheńberinde elde 3000-ǵa jýyq ýaqytsha jáne 200-dei turaqty jumys orny ashylady.
Mamandar qajet
«Samuryq-Qazyna» Qordyń 29 basym jobasyndaǵy jáne portfeldik kompaniialaryndaǵy bos oryndardy baqylap otyrýǵa shaqyrady. Olardyń barlyǵy SamrukQyzmet biryńǵai rekrýting portalynda ornalastyrylady.
Qorda eskertilgendei, barlyq jobanyń iske asýyna joǵary bilikti mamandar qajet jáne buǵan qazaqstandyqtar shaqyrylady.
