Ekonomist Jannat Ertilesova «Samuryq-Qazyna» qorynyń transformatsiia úderisinde jinaǵan tájiribesin memlekettik organdarda da paidalanýǵa bolady dep esepteidi.
«Samuryq-Qazyna» qorynyń qurylǵanyna 8 jyl boldy, al ulttyq kompaniialardyń kópshiligi burynnan beri jumys isteýde, ári olarǵa únemi zamanǵa sai basqarý ádisteri engizilip keldi. Biraq tájiribe almasýdyń, belgili bir ádisterdi engizýde oń jáne teris tustaryn baǵalaýdyń, qatelikterge taldaý jasaýdyń bolmaýy, bir kompaniia aiasynda ǵana emes, sondai-aq kompaniialar arasynda da árqashanǵy másele edi. Transformatsiialaý baǵdarlamasyndaǵy eń mańyzdysy, ol halyqaralyq jáne qazaqstandyq tájiribeniń júielendirilýi - dep Ertilesova «Samuryq-Qazyna» qorynyń transformatsiia nátijelerine túsinikteme berdi.
Sonymen qatar, ekonomistiń aitýynsha, basshylyqtyń saiasi erik-jigeriniń bolýy - transformatsiialaý baǵdarlamasyn tabysty júzege asyrýdaǵy mańyzdy faktorlardyń biri.
Sondai-aq, J. Ertilesova transformatsiia úderisinde Qordyń qol jetkizgen negizgi nátijelerin atap ótti. «Máselen, «Samuryq-Qazynada» ekonomikalyq aqparatty taldaý men nátijelerdi taldaý qalpyna keltirildi, buny da erterekte jasaý qajet edi. Investitsiialyq jobalardy iske asyrýdan qazirdiń ózinde mýltiplikativtik áser sezilýde. Buryn temir jol óz aldynda, munai qubyry óz aldynda jumys istegen edi, al qazir osylardy úilestirýge bolady, - dedi sarapshy.
«Qazaqstanda qazir qiyn ekonomikalyq jaǵdai, ári ol shyn mánisinde de ekonomisterdiń keibir alańdaýshylyqtaryn týdyrýda. Al eger «Samuryq-Qazyna» aldyńǵy daǵdarysty eńserýge óte jaqsy kómektesse, múmkin osy tájiribesin de talqylap, biýdjetti bekitý jáne ekonomikalyq jaǵdaidy taldaý kezde paidalaný kerek» - dep Ertilesova usynys jasady.
Esterińizge sala keteiik, «Samuryq-Qazyna» ulttyq ál-aýqat qorynda transformatsiia 2014 jyldyń sońynda bastaldy. Osy ýaqyt ishinde, qor jáne onyń quramyna kiretin ulttyq kompaniialardyń operatsiialyq modelderi men uiymdyq qurylymdary qaita qaraldy. Ústimizdegi jyldyń qarasha aiynda Qazatomónerkásip pen Qazposhtanyń transformatsiia jobasynyń portfelderi maquldandy. QTJ, QMG, «Samuryq-Energo» jáne «KEGOC» jobalarynyń portfelderi 2016 jyldyń sońyna deiin bekitiletin bolady.
«Samuryq-Qazyna» ókilderiniń aitýynsha, eldgi JIÓ úshin transformatsiialaýdan keletin sandyq jáne sapalyq paidanyń ekonomikalyq tiimdiligi aldyn-ala baǵalaýlar boiynsha, aldaǵy bes jylda qarjylyq turǵydan alǵanda 1 trln astam teńgeni quraidy.
.jpeg)