"Samuryq-Qazyna" ulttyq ál-aýqat qorynyń basqarma tóraǵasy Almasadam Sátqaliev satyp alýǵa jaýapty basshylardyń jumystan qysqarýyna qatysty pikir bildirdi, - dep habarlaidy Tengrinews.kz agenttigi.
Sátqaliev qorda óte kúrdeli reformanyń bastalǵanyn, nátijesinde fýnktsiialaryn júzege asyrmaǵan, sybailas jemqorlyqqa qatysy bar birqatar laýazymdy tulǵalar anyqtalǵanyn aitty.
"Bizge kelip túsken barlyq eskertýlerdi taldadyq, kórdik. Osynyń nátijesinde direktorlar keńesi men kompaniia basshylaryna satyp alý máselesine bailanysty barlyq basshylardy laýazymdarynan bosatýdy usyndyq. Bul - popýlistik shara emes. Men kez kelgen buzýshylyqtardyń negizinde adami faktor jatyr dep aitqan bolatynmyn. Biznes pen qoǵam turǵysynan jaǵymsyz tulǵalardy jumystan shyǵarý týraly usynystar aityldy. Qazir bizde áleýmettik jeliler óte belsendi", - dep málimdedi Almasadam Satqaliev satyp alý máseleleri jónindegi onlain-keńes barysynda.
