«Samuryq-Qazyna» jumysshylary poligrafta tekserý arqyly iriktelmek. Ulttyq ál-aýqat qorynyń basqarma tóraǵasy Almasadam Sátqaliev osyndai josparyn aitty, dep habarlaidy QazAqparat.
«Biz satyp alý máselesine jetekshilik etetin basshylardy atqaratyn laýazymdarynan bosatý boiynsha kúrdeli sharalar júrgizdik. 55 adam bosatyldy, zańnamaǵa sáikes bul jumys jalǵasyp jatyr», - dedi Almasadam Sátqaliev Úkimettiń keńeitilgen otyrysynda.
Sondai-aq, ol qor qyzmetkerleriniń arasyndaǵy jemqorlyqty joiý baǵytynda qandai jospary bar ekenin ashyp aitty.
«Sybailas jemqorlyq kórinisteriniń táýekelderin tabiǵi jolmen azaitýǵa jol ashatyn personaldy irikteý jáne jaldaý qaǵidalaryna ózgerister engizildi. Atap aitqanda, barlyq úmitkerlerdiń laýazymǵa sáikestigin aiqyndaý, psihologiialyq profailing, qyzmetkerlerdiń jyl saiynǵy rotatsiiasy, poligrafta tekserý júrgiziledi», - dedi qordyń basqarma tóraǵasy.
