«Samuryq-Qazyna» kompaniialar tobynda basshylyq laýazymyna úmitker bolǵan 18 adam poligraf apparaty arqyly júrgiziletin synaq túrinen ótpei qalǵan. Bul týraly “Samuryq-Qazynanyń” qoǵammen bailanys jáne ózgeristerdi basqarý jónindegi direktory Ǵibrat Aýǵanov málim etti, - dep habarlaidy Ulysmedia.kz.
Onyń aitýynsha, atalǵan synaq túri úmitkerdiń sybailas jemqorlyq boiynsha táýekelderdi anyqtaýǵa múmkindik beredi.
«Birinshi basshylar, basqarýshy direktorlar jáne qurylymdyq bólim basshylary laýazymyna úmitkerler komplaens-tekserýden ótedi. Ondaǵy maqsat – úmitkerdiń qor kompaniialarynyń joǵary laýazymdy basshylaryna týystyǵynyń bar-joǵyn, sybailas jemqorlyq jáne repýtatsiialyq táýekelderdi anyqtaý», - dedi Ǵibrat Aýǵanov.
Onyń sózinshe, poligraf synaǵy arnaiy kásibi mamandarmen biyldan bastap júrgiziledi.
«Samuryq-Qazyna» qorynda biyl naýryzdan bastap satyp alý salasynda basshylyq laýazymǵa taǵaiyndalatyn úmitkerlerdi poligraf apparaty, iaǵni jalǵandyqty anyqtaityn detektor arqyly tekserý engizildi. Úmitkerlerdi tekserýdi Qazaqstan poligrafologtar qaýymdastyǵynyń mamandary júrgizedi. Qazirgi tańda qor tobyndaǵy 38 kompaniiada 96 úmitker poligraftan ótti. Onyń ishinde 18 úmitker atalǵan synaqtan ótpei qaldy», - dedi spiker.
