"Samuryq-Qazyna" qorynyń jańa uiymdyq qurylymy bekitildi. Soǵan sai qor qyzmetkerleri sany eki esege qysqaratyny belgili boldy, - dep habarlaidy "Ult aqparat" qordyń resmi saityna silteme jasap.
Málimetke sai, tómendegidei ózgerister engizildi:
1. Jańa uiymdyq qurylym bekitildi. Oǵan sáikes, Qor qyzmetkerleriniń sany eki ese, iaǵni, 248-den 124-ke deiin; al basqarýshy qyzmetter sany 10-nan 5-ke deiin qysqarady. Qurylymdyq bólimder sany 27-den 18-ge (33%) qysqartyldy; «keńesshi» qyzmetteri joiyldy. Qordyń sheteldegi ókildikterin jabý týraly sheshim qabyldandy. Qordyń jańa uiymdyq qurylymy resmi veb-saitta jariialanǵan.
2. Biznes jolyndaǵy kedergilerdi joiýǵa baǵyttalǵan Tikelei satyp alýdyń jańa tártibi men Qadaǵalaý, marketing, jáne importtyń ornyn basý erejeleri aldyn-ala bekitilip, QR Qarjy ministrligi, QR Básekelestikti qorǵaý jáne damytý agenttigi jáne «Atameken» UKP-ge qarastyrýǵa jiberildi. Bir kózden satyp alýǵa negiz bolatyn faktorlar qysqartyldy. Atalǵan qujattardy Direktorlar Keńesi qabyldaǵan soń Qordyń korporativtik ortalyǵy satyp alý ádistemesin daiyndaý, satyp alýlardy qadaǵalaý jáne baqylaý fýnktsiialaryn atqarady.
3. Portfeldik kompaniialarǵa «Samuryq-Qazyna» Qoryn reformalaý boiynsha QR Prezidenti tapsyrmalaryn oryndaýdy qadaǵalaý jónindegi qujat jiberildi; jaýapty qyzmetkerler, iske asyrý merzimderi men qadaǵalaý indikatorlary anyqtaldy.
4. Sonymen qatar, «Samuryq-Qazyna» AQ Basqarmasynyń 2022 jylǵy 24 qańtaryndaǵy sheshimimen «Samuryq-Qazyna Invest» JShS Bas direktory A. K. Sultanovtyń, «Samruk-Kazyna Construction» AQ Basqarma tóraǵasy B.A. Sandyqbaevtyń, «Samuryq-Qazyna Kontrakt» JShS bas direktory A.J. Aqylovtyń, «Samuryq-Qazyna Biznes Servis» JShS bas direktory S.K. Elshibekovtyń ýákilettikteri merziminen buryn aiaqtalyp, olarmen eńbek qatynastaryn toqtatý kelisildi.
Basqarma QR Úkimetine joldanatyn Qordy reformalaý baǵdarlamasyn daiyndaý merzemderin bekitti.
Aita keteiik, Memleket basshysy Qasym-Jomart Toqaev Qazaqstannyń iri biznes ókilderimen kezdesýinde «Samuryq-Qazyna» qorynyń basshysyna qatań talap qoiylǵanyn málimdegen edi.
Sondai-aq, endigi jerde Qazaqstan azamattaryna «Samuryq-Qazyna» qory aktivterin ielik etý múmkindigi berilmek. Bul jaiynda atalǵan qordyń basqarma tóraǵasy Almasadam Sátqaliev aitty.
