Qordyń strategiia jáne aktivterdi basqarý jónindegi basqarýshy direktory laýazymyna Ernat Berdiǵulov taǵaiyndaldy. Onyń aldyna qoiylǵan negizgi mindet - bul qordyń uzaq merzimdi damý strategiiasyn ázirleý jáne iske asyrý, aktivterdi tiimdi basqarý jáne infraqurylymdyq jobalardy ýaqtyly iske asyrý. Ornyqty damýdy qamtamasyz etý, portfeldik kompaniialar qyzmetine korporativtik basqarýdyń ERP-qaǵidattary men ozyq tásilderin engizý investitsiialyq tartymdylyqty arttyrýǵa jáne uzaq merzimdi qunnyń ósýin qamtamasyz etýge múmkindik beredi.
"Ernat Qudaibergenuly Qorda strategiia, turaqty damý jáne tsifrlyq transformatsiia jónindegi Basqarýshy direktor laýazymyn atqarǵan bolatyn. Ernat Berdiǵulovtyń halyqaralyq konsaltingtik kompaniialarda on jyldan astam jumys tájiribesi bar. Iskerlik ákimshilik salasynyń magistri (MBA, University of Warwick, Ulybritaniia), "Bolashaq" baǵdarlamasy boiynsha bakalavr bitirgen (University of Toronto, Kanada). Prezidenttik Jastar kadrlyq rezerviniń múshesi", - dedi "Samuryq-Qazyna" AQ-da.
"Samuryq-Qazyna" AQ Qoǵammen bailanys jáne ózgeristerdi basqarý jónindegi Basqarýshy direktor laýazymyna Ǵibrat Aýǵanov taǵaiyndaldy. Ǵibrat Qairatulynyń jaýapkershiligine úsh departament kiredi: Áleýmettik-eńbek qatynastary jáne adam resýrstaryn basqarý departamenti, ózgeristerdi basqarý departamenti jáne jurtshylyqpen bailanys departamenti.
"Alǵa qoiylǵan mindetterge sáikes jańa ashyq kadr saiasatyn engizý, inkliýzivtilik pen ashyqtyq deńgeiin arttyrý mindeti tur. Budan basqa, tsifrlandyrý sheńberinde IT-tehnologiialar men aýqymdy derekterdi taldaý bazasynda óndiristik jáne basqarý protsesterin qaita qurý qajet bolady. Sondai-aq, Qordyń jurtshylyqpen qarym-qatynastaryn qaita júkteý sheńberinde kompaniianyń qyzmeti týraly ashyqtyqty jáne BAQ-tyń kásibi qoǵamdastyǵyn habardar etýdi qamtamasyz etý qajet. Osy jáne basqa da birqatar ózgerister kompaniia qyzmetiniń qoǵam úshin ashyqtyǵy men aiqyndyǵyn qamtamasyz etýge, adami faktordy, ásirese sybailas jemqorlyq qaýipti sektorlardy barynsha joiýǵa baǵyttalǵan", - dep atap ótti qorda.
Buǵan deiin Aýǵanov "Samuryq-Qazyna"AQ adam resýrstaryn basqarý departamentiniń direktory qyzmetin atqarǵan. Prezidenttik Jastar kadrlyq rezerviniń múshesi.
Nikolai Kazýtin Qordyń quqyqtyq qoldaý, qamtamasyz etý jáne táýekelder jónindegi basqarýshy direktory bolyp taǵaiyndaldy. Quqyqtyq salanyń aǵymdaǵy máselelerinen basqa, ol otandyq taýar óndirýshiler men shaǵyn jáne orta biznesti qoldaý úshin Qordyń satyp alý protsesinde ashyqtyqty qamtamasyz etý maqsatynda satyp alý boiynsha qoldanystaǵy korporativtik qujattardy ózgertýge, sondai-aq qorda júrgizilip jatqan reformalardy quqyqtyq qamtamasyz etýge jáne halyqaralyq tórelikterde Qordyń múddelerin tiimdi qorǵaýǵa jaýap beredi.
"Samuryq-Qazyna" AQ Investitsiialar jónindegi departamentiniń direktory laýazymyna buryn Qordyń Investitsiialar jónindegi departamentiniń jobalardy qurylymdaý sektorynyń basshysy qyzmetin atqarǵan Sábiǵat Rahmetov taǵaiyndaldy. Qoǵammen bailanys departamentiniń direktory laýazymyna Damir Egizbaev taǵaiyndaldy. Buǵan deiin ol Aýyl sharýashylyǵy ministrliginiń baspasóz hatshysy, sondai-aq UEM "Qazaqstandyq MJÁ ortalyǵy" AQ kommýnikatsiialar jónindegi direktory laýazymyn atqarǵan bolatyn.
kollaj: Tengrinews.kz
