"Samuryq-Qazyna" qordy reformalaý josparyn jariialady, - dep habarlaidy Tengrinews.kz agenttigi.
"Jospar kadr saiasatyn, satyp alý júiesin ózgertý boiynsha júieli sharalardy, qor men portfeldik kompaniialardyń korporativtik áleýmettik jaýapkershiligin arttyrý, biznesti qoldaý, komplaens-servis protsesterin jetildirý, dividendtik jáne investitsiialyq saiasatqa jańa tásilder, aktivti basqarý, jekeshelendirý jáne adami kapitaldy damytý jónindegi bastamalardy kórsetedi", - delingen resmi habarlamada.
Qor jospardy iske asyrý mynalardy qamtamasyz etedi dep kútedi:
- munai óńdeý naryqtaryna qatysýshylar úshin qor portfeli kompaniialary tarapynan ashyq tetikterdi engizý jáne kedergilerdi joiý, munai jáne munai ónimderiniń marketingi, gaz naryǵyn damytý, kómir jáne elektr energiiasyn jetkizý, infraqurylymǵa qoljetimdilik, vagondardy jetkizý, telekommýnikatsiialar;
- birinshi kezeńde óndiristik personaldyń jalaqysyn ortasha salalyq deńgeige deiin arttyrý;
- tikelei áreket etý normalary bar memlekettik organdarmen jáne biznespen kelisilgen satyp alýdyń jańa biryńǵai erejelerin engizý;
- otandyq taýar óndirýshilerdiń úlesin 78 paiyzdan 85 paiyzdan astamǵa deiin ulǵaitý;
- úkimettiń tapsyrmasy boiynsha iskerlik seriktes retinde biznes suranystaryna sáikes jańa óndiristerdi, importty almastyratyn óndiristerdi damytý boiynsha investitsiialyq jobalardy júzege asyrý.
