"Samuryq-Qazyna" ulttyq ál-aýqat qory jumysynyń nátijesi týraly kompaniianyń ekonomika jáne qarjy jónindegi birlesken basqarýshy direktory Ernar Janádil aityp berdi, dep jazady sputniknews.kz.
"Qor men onyń jetekshi portfeldi kompaniialarynyń qarjylyq turaqtylyǵyn nyǵaitý jumystarynyń nátijesi kóńil kónshitedi. Atap aitqanda, alǵashqy jartyjyldyqta "Samuryq-Qazyna" halyqaralyq bankterden alǵan 900 million dollar birlestirilgen kreditin merziminen buryn ótedi. Onyń merzimi 2020 jylǵa deiin bolatyn", — dedi Janádil baspasóz konferentsiiasynda.
Sonymen qatar "QazMunaiGaz" 1,6 milliard dollardyń eýroobligatsiiasyn, "Samuryq-Energo 39 milliard teńgeni merziminen buryn qaitarǵan
"Munyń barlyǵy qarjy turaqtylyǵyn jaqsartýǵa múmkindik berdi", — dep túiindedi ol.
"Samuryq-Qazyna" ulttyq ál-aýqat qory" AQ – jalǵyz aktsioneri Qazaqstan úkimeti sanalatyn holding. Qor ulttyq ekonomikanyń básekege qabilettiligi men turaqtylyǵyn qamtamasyz etý maqsatynda 2008 jyly quryldy.
"Samuryq-Qazyna" AQ basqarma tóraǵasy — Ahmetjan Esimov.
