«Samuryq-Qazyna» qory 2025 jylǵa qarai himiia ónerkásibi jobalaryna 10 mlrd dollardan astam qarajat tartýdy josparlap otyr. Bul týraly jýrnalisterge bergen suhbatynda qordyń basqarma tóraǵasy Ómirzaq Shókeev málimdedi.
Ulttyq ál-aýqat qorynyń basshysy kompaniianyń munai-himiia ónerkásibi salasyndaǵy josparlarymen bólisti. Bul jobalarmen qordyń enshiles kompaniiasy «Birikken himiialyq kompaniia» JShS ainalysady.
«Osylaisha óziniń 1 dollar qarajatyna kompaniia (BHK – red. eske.) seriktesteriniń 1 dollar tikelei investitsiialaryn jáne boryshtyq qarjylandyrý arqyly 4,6 dollar tartady. Nátijesinde, 2025 jyly tartylǵan investitsiia kólemi shamamen 10,6 mlrd dollar quraityn bolady», - dedi Ómirzaq Shókeev.
Onyń aitýynsha, búgingi kúni BHK eki klasterdiń qurylysyna shoǵyrlanǵan: Atyraý oblysynda organikalyq himiia jáne Jambyl oblysynda beiorganikalyq himiia. Klasterlerdi damytýdyń negizi - infraqurylym qalyptastyrý bolyp tabylady, onyń ishine «Nurly jol» memlekettik baǵdarlamasy aiasy da jatady.
«Atyraý munai-himiia klasteri bazalyq ónimderi: polipropilen, polietilen shyǵaryp, kómirsýtekti shikizattardy tereń óńdeýdi kózdeidi. Jobalardyń jalpy quny 10 mlrd dollarǵa deiin baǵalanady. Biz jobany tiimdi basqarýdy qamtamasyz ete alatyn, teń investorlardy tartý boiynsha belsendi jumys atqarýdamyz», - dedi qor basshysy.
Jambyl himiialyq parkinde qazirgi ýaqytta infraqurylym nysandarynyń qurylysyn aiaqtalýda. Sondai-aq, osynda importty almastyrýǵa baǵyttalǵan joǵary qosymsha quny bar óndiristerdi paidalanýǵa berýdi josparlap otyrmyz.
«2016 jyldyń mamyr aiynan bastap glifosat, gerbitsidter jáne hlor-siltili ónimderin óndirý boiynsha agrarlyq-himiialyq kesheniniń qurylysy bastaldy, ol ónimniń eki túri TMD elderinde óndirilmeidi. Glifosat óndirý 2018 jyly iske qosylady. Ol ýaqytqa deiin kaýstikalyq soda óndirisin iske qosý kózdelýde», - dep sózin jalǵady Ómirzaq Shókeev.
Ult portaly
.jpeg)