«سامۇرىق-قازىنا» قورى 2025 جىلعا قاراي حيمييا ٶنەركەسٸبٸ جوبالارىنا 10 ملرد دوللاردان استام قاراجات تارتۋدى جوسپارلاپ وتىر. بۇل تۋرالى جۋرناليستەرگە بەرگەن سۇحباتىندا قوردىڭ باسقارما تٶراعاسى ٶمٸرزاق شٶكەەۆ مەلٸمدەدٸ.
ۇلتتىق ەل-اۋقات قورىنىڭ باسشىسى كومپانييانىڭ مۇناي-حيمييا ٶنەركەسٸبٸ سالاسىنداعى جوسپارلارىمەن بٶلٸستٸ. بۇل جوبالارمەن قوردىڭ ەنشٸلەس كومپانيياسى «بٸرٸككەن حيمييالىق كومپانييا» جشس اينالىسادى.
«وسىلايشا ٶزٸنٸڭ 1 دوللار قاراجاتىنا كومپانييا (بحك – رەد. ەسكە.) سەرٸكتەستەرٸنٸڭ 1 دوللار تٸكەلەي ينۆەستيتسييالارىن جەنە بورىشتىق قارجىلاندىرۋ ارقىلى 4,6 دوللار تارتادى. نەتيجەسٸندە, 2025 جىلى تارتىلعان ينۆەستيتسييا كٶلەمٸ شامامەن 10,6 ملرد دوللار قۇرايتىن بولادى», - دەدٸ ٶمٸرزاق شٶكەەۆ.
ونىڭ ايتۋىنشا, بٷگٸنگٸ كٷنٸ بحك ەكٸ كلاستەردٸڭ قۇرىلىسىنا شوعىرلانعان: اتىراۋ وبلىسىندا ورگانيكالىق حيمييا جەنە جامبىل وبلىسىندا بەيورگانيكالىق حيمييا. كلاستەرلەردٸ دامىتۋدىڭ نەگٸزٸ - ينفراقۇرىلىم قالىپتاستىرۋ بولىپ تابىلادى, ونىڭ ٸشٸنە «نۇرلى جول» مەملەكەتتٸك باعدارلاماسى اياسى دا جاتادى.
«اتىراۋ مۇناي-حيمييا كلاستەرٸ بازالىق ٶنٸمدەرٸ: پوليپروپيلەن, پوليەتيلەن شىعارىپ, كٶمٸرسۋتەكتٸ شيكٸزاتتاردى تەرەڭ ٶڭدەۋدٸ كٶزدەيدٸ. جوبالاردىڭ جالپى قۇنى 10 ملرد دوللارعا دەيٸن باعالانادى. بٸز جوبانى تيٸمدٸ باسقارۋدى قامتاماسىز ەتە الاتىن, تەڭ ينۆەستورلاردى تارتۋ بويىنشا بەلسەندٸ جۇمىس اتقارۋدامىز», - دەدٸ قور باسشىسى.
جامبىل حيمييالىق پاركٸندە قازٸرگٸ ۋاقىتتا ينفراقۇرىلىم نىساندارىنىڭ قۇرىلىسىن اياقتالۋدا. سونداي-اق, وسىندا يمپورتتى الماستىرۋعا باعىتتالعان جوعارى قوسىمشا قۇنى بار ٶندٸرٸستەردٸ پايدالانۋعا بەرۋدٸ جوسپارلاپ وتىرمىز.
«2016 جىلدىڭ مامىر ايىنان باستاپ گليفوسات, گەربيتسيدتەر جەنە حلور-سٸلتٸلٸ ٶنٸمدەرٸن ٶندٸرۋ بويىنشا اگرارلىق-حيمييالىق كەشەنٸنٸڭ قۇرىلىسى باستالدى, ول ٶنٸمنٸڭ ەكٸ تٷرٸ تمد ەلدەرٸندە ٶندٸرٸلمەيدٸ. گليفوسات ٶندٸرۋ 2018 جىلى ٸسكە قوسىلادى. ول ۋاقىتقا دەيٸن كاۋستيكالىق سودا ٶندٸرٸسٸن ٸسكە قوسۋ كٶزدەلۋدە», - دەپ سٶزٸن جالعادى ٶمٸرزاق شٶكەەۆ.
ۇلت پورتالى
.jpeg)