«Samuryq-Qazyna» UÁQ» AQ divident boiynsha tólem mólsherin eki ese arttyrýdy josparlap otyr. Bul jaiynda atalǵan qordyń strategiia jáne aktivterdi basqarý jónindegi basqarýshy direktory Ernat Berdiǵulov málim etti, dep habarlaidy QazAqparat.
«Dividentterdiń eń tómendi deńgeiin arttyrý josparlanyp otyr. Eger 2022 jyl jaiynda aitar bolsaq, onda buǵan deiin shamamen 88 mlrd teńge dividend tólengen bolatyn. Al biyl tólem mólsherin 170 mlrd teńge deiin arttyrý kózdelgen», - dedi Ernat Berdiǵulov.
Sonymen qatar ol «Samuryq-Qazyna» qoryn damytýdyń jańa strategiiasynda kózdelgen basty aspektilerge toqtalyp ótti. Onyń atap ótýinshe, eń aldymen qordy basqarý modeli ózgerdi.
«Qor aǵymdaǵy koniýtýrany jáne mandatqa sáikes basty strategiialyq aktivterdi basqarý qajettigin eskere otyryp, taiaý 5-6 jyldyń ishinde aktivterdi strategiialyq basqarý modelin damytýdy jalǵastyrýy tiistigin kórip otyrmyz. Bul rette biz munan ary investitsiialyq holding modeline kezeń-kezeńmen kóshýdi júzege asyramyz», - dedi spiker.
Qordyń basqarýshy direktory ekinshiden, otandyq bizneske qoldaý kórsetý jasalatyndyǵyn aitty.
«Iaǵni, biz otandyq biznespen birge iri investitsiialyq jobalardy teń qarjylandyrýǵa, sonymen qatar biznes úshin uzaqmerzimdi ofteik-kelisimsharttar usynýǵa daiynbyz. Buǵan qosa, «Samuryq-Qazyna» qory deńgeiinde sheteldik investorlarmen úilestirý jumystaryn júzege asyrýdy kózdep otyrmyz», - dedi ol.
