Búgin Djon Dýdas jalpy daýys berý arqyly «Samuryq-Qazyna» UÁQ» AQ Direktorlar keńesiniń tóraǵasy bolyp sailandy, dep habarlaidy "Ult aqparat" Qordyń baspasóz qyzmetine silteme jasap.
Aita ketken jón, buǵan deiin Qazaqstan Respýblikasynyń Premer-Ministri «Samuryq-Qazyna» UÁQ» AQ Direktorlar keńesiniń tóraǵasy bolǵan.
2018 jyly mamyrda qabyldanǵan «Ulttyq ál-aýqat qory týraly» Qazaqstan Respýblikasynyń Zańyna engizilgen ózgeristerge sáikes, 2020 jyldyń 1 qańtarynan bastap Qazaqstan Respýblikasynyń Premer-Ministri Qordyń direktorlar Keńesiniń quramynan ketti.
«Ulttyq ál-aýqat qory týraly» Zańnyń 8-babynyń 2-tarmaǵyna sáikes, Qordyń Direktorlar keńesiniń tóraǵasy táýelsiz direktorlardyń arasynan kópshilik daýyspen jasyryn daýys berý arqyly sailanady.
Bul jańashyldyqtar 2018 jyldyń sáýirinde Elbasy maquldaǵan Qordyń jańa damý strategiiasyna, sondai-aq retteýshi fýnktsiialarynan menshik iesi retinde memlekettiń fýnktsiialaryn naqty bólýdi kózdeitin memleket qatysatyn kompaniialar úshin halyqaralyq standarttarǵa sáikes keledi.
Aǵymdaǵy jyldyń 1 qańtarynan bastap Qordyń Direktorlar keńesi 7 músheden turady, olardyń 4-ýi táýelsiz direktorlar: Ong Býn Hvi, Qairat Májibaev, Djon Dýdas jáne Alper Akdeniz, sondai-aq prezidenttiń kómekshisi Qanat Bozymbaev, Ulttyq ekonomika ministri Rýslan Dalenov jáne Qor tóraǵasy Ahmetjan Esimov.
Djon Dýdas 1959 jyly 24 jeltoqsanda týǵan, Ulybritaniia azamaty. Ol Gencor Ltd. jáne BHP Billiton siiaqty halyqaralyq kompaniialarda basshylyq qyzmetterdi atqardy, onda kompaniia tobynyń bas kommertsiialyq direktory jáne marketing jónindegi direktory, korporativtik josparlaý jónindegi direktory jáne aliýminii bólimshesiniń bas direktory bolǵan. 2012 jyldan bastap Djon Dýdas ártúrli kópultty taý-ken jáne kásibi servistik kompanipialarda táýelsiz direktor jáne Korporativtik keńesshi bolyp jumys istedi. «Samuryq-Qazyna» AQ Direktorlar keńesine sailanǵanǵa deiin Djon «Qazatomónerkásip» UAK» AQ táýelsiz direktory jáne direktorlar keńesiniń tóraǵasy bolyp jumys istedi, sondai-aq qazir Djon «Qazatomónerkásip» UAK» AQ Direktorlar Keńesi janyndaǵy komitetterdiń múshesi.
