Foto: Tengrinews.kz
"Samuryq-Qazyna" AQ basqarma tóraǵasy Almasadam Sátqaliev "Qazaqtelekomnyń" aktsiialarynyń úshten bir bóligin memleketke berýge qatysty pikir bildirdi, - dep habarlaidy Tengrinews.kz.
OKQ brifinginde jýrnalister qor basshysynan Qairat Satybaldyulynyń "Qazaqtelekomnyń" 28 paiyzyn memleketke qaitarýy týraly surady.
"Bul suraqty memlekettik organdarǵa qoiǵan durys shyǵar. Sebebi buǵan deiin ol aktsiialar Úkimetten alyndy, al qazir, bizdegi aqparat boiynsha, Qairat Satybaldyuly ol aktsiialardy Úkimetke syilaýǵa daiyn", - deidi Sátqaliev.
Qor basshysynyń sózinshe, Úkimet ol aktsiiany ne isteý keregin ózi sheshedi.
"Árine, bul ashyqtyqty arttyrýǵa, qor naryǵyn damytýǵa, portfeldik kompaniialar deńgeiinde sheshimder qabyldaýdyń neǵurlym ádil protsesterine yqpal etedi", - dedi Almasadam Sátqaliev.
Eske salaiyq, buǵan deiin "Qazaqtelekom" aktsiialarynyń 30 paiyzǵa jýyǵy memleketke qaitarylǵany habarlanǵan bolatyn. Syiǵa tartý sharty boiynsha "Qazaqtelekom" aktsionerlik qoǵamynyń jarǵylyq kapitalynyń 24,95 paiyzyn quraityn 2671481 jai aktsiiasyn respýblikalyq menshikke berý týraly Skyline Investment Company S.A. jeke kompaniiasynyń usynysy qabyldandy.
