فوتو: Tengrinews.kz
"سامۇرىق-قازىنا" اق باسقارما تٶراعاسى الماسادام سەتقاليەۆ "قازاقتەلەكومنىڭ" اكتسييالارىنىڭ ٷشتەن بٸر بٶلٸگٸن مەملەكەتكە بەرۋگە قاتىستى پٸكٸر بٸلدٸردٸ, - دەپ حابارلايدى Tengrinews.kz.
وكق بريفينگٸندە جۋرناليستەر قور باسشىسىنان قايرات ساتىبالدىۇلىنىڭ "قازاقتەلەكومنىڭ" 28 پايىزىن مەملەكەتكە قايتارۋى تۋرالى سۇرادى.
"بۇل سۇراقتى مەملەكەتتٸك ورگاندارعا قويعان دۇرىس شىعار. سەبەبٸ بۇعان دەيٸن ول اكتسييالار ٷكٸمەتتەن الىندى, ال قازٸر, بٸزدەگٸ اقپارات بويىنشا, قايرات ساتىبالدىۇلى ول اكتسييالاردى ٷكٸمەتكە سىيلاۋعا دايىن", - دەيدٸ سەتقاليەۆ.
قور باسشىسىنىڭ سٶزٸنشە, ٷكٸمەت ول اكتسييانى نە ٸستەۋ كەرەگٸن ٶزٸ شەشەدٸ.
"ەرينە, بۇل اشىقتىقتى ارتتىرۋعا, قور نارىعىن دامىتۋعا, پورتفەلدٸك كومپانييالار دەڭگەيٸندە شەشٸمدەر قابىلداۋدىڭ نەعۇرلىم ەدٸل پروتسەستەرٸنە ىقپال ەتەدٸ", - دەدٸ الماسادام سەتقاليەۆ.
ەسكە سالايىق, بۇعان دەيٸن "قازاقتەلەكوم" اكتسييالارىنىڭ 30 پايىزعا جۋىعى مەملەكەتكە قايتارىلعانى حابارلانعان بولاتىن. سىيعا تارتۋ شارتى بويىنشا "قازاقتەلەكوم" اكتسيونەرلٸك قوعامىنىڭ جارعىلىق كاپيتالىنىڭ 24,95 پايىزىن قۇرايتىن 2671481 جاي اكتسيياسىن رەسپۋبليكالىق مەنشٸككە بەرۋ تۋرالى Skyline Investment Company S.A. جەكە كومپانيياسىنىڭ ۇسىنىسى قابىلداندى.
