«Samuryq-Qazyna» qorynyń basqarma tóraǵasy Almasadam Satqaliev Úkimettiń keńeitilgen otyrysynda AES salý máselesi týraly paiymyn aitty, dep habarlaidy QazAqparat.
«Ulttyq energetikalyq jelini jańǵyrtýdyń jańa jobasy negizgi jobalardyń biri bolýy kerek. Bul - jelilerge jańa qýat kózderin qosý úshin qajet dúnie. Onyń ishinde jańartylatyn qýat kózderi de bar. Atap aitsaq, qazirdiń ózinde elektr energiiasyn óndirý jáne tutyný balansynyń boljamyna qarap otyryp, eldiń ońtústiginde iri qýat kózin iske qosý kerektigi baiqalyp otyr», - dedi qordyń basqarma tóraǵasy.
Sondai-aq ol bul máseleni jasyl tehnologiia esebinen sheshý tiimdi degen oi aitty.
«Kún tártibinde jasyl tehnologiialar turǵanyn eskersek, bizdiń kózqarasymyz boiynsha atom elektr stansasyn salý anaǵurlym tiimdi sheshim bolady», - dedi «Samuryq-Qazyna» basshysy.
