«Strategiialyq bastamalar ortalyǵy» táýelsiz konsaltingtik kompaniiasynyń aǵa seriktesi Dármen Sadýaqasovtyń aitýynsha, «Samuryq-Qazyna» kompaniialar tobynyń jańa operatsiialyq modeli naryqtyq koniýnktýra sharttarynda kompaniiany belsendirek basqarýǵa múmkindik beredi.
«Qazir, munai baǵasy arzandaǵan kezde, ekonomikada belgili bir máseleler bar. Ońtailandyrý eń qolaily sheshim bolyp tabylady. Málimdelgen transformatsiia biznestiń tiimdiligin arttyrýǵa targettelgen, iaǵni ol birinshi kezekte uiymdastyrýshylyq modelin ońailatýdy talap etedi. Aǵymdaǵy model búkil qurylymdy basqarý úderisin qiyndatady» - deidi Dármen Sádýaqasov.
Esterińizge sala keteiik, «Samuryq-Qazyna» AQ biznesti transformatsiialaý sheńberinde QazMunaiGaz kompaniiasynyń jańa operatsiialyq modeli ázirlendi, osyǵan sáikes QMG direktorlar keńesi arqyly aktivterdi basqarýshy portfeldik investor tujyrymdamasynan birtindep bas tartady jáne óndiristik aktivterdi belsendi túrde operatsiialyq basqarýǵa kóshedi. Enshiles kompaniialardyń deńgeiler sany qysqaratyn bolady. Kompaniia Statoil, Total, Petrobras tárizdi munai ónerkásibiniń álemdik kóshbasshylaryna tán model jasap shyǵarýdy josparlap otyr.
Jańa operatsiialyq modelge sáikes sýbholdingter qyzmetterin toqtatady. QMG korporativtik ortalyǵy — birinshi deńgei — strategiia, basqarý jáne josparlaýmen ainalysady. Ekinshi deńgeide enshiles óndiristik birlikter qalady.
Anyqtama úshin: «Samuryq-Qazyna» AQ transformatsiialaý baǵdarlamasy negizgi úsh maqsatty iske asyrýdy kózdeidi - qoldanystaǵy aktivterdiń qunyn arttyrý, portfeldi ońtailandyrý jáne korporativtik basqarýdy jetildirý.
Aldyn ala baǵalaý boiynsha, «Samuryq-Qazyna» AQ transformatsiialaý baǵdarlamasyn iske asyrýdyń sandyq jáne sapalyq paidasynyń ekonomikalyq tiimdiliginiń qarjylyq balamasy aldaǵy bes jylda 1 trln astam teńgeni quraidy.
.jpeg)