«Samuryq-Qazyna» AQ 2019 jyldyń qorytyndysy boiynsha dividendterdi tóleidi. Buǵan qatysty Úkimettiń «Aktsiialardyń memlekettik paketterine dividendter men uiymdardaǵy memlekettik qatysý úlesterine kirister týraly» qaýlysy jariialandy, dep habarlaidy "Ult aqparat".
«Memlekettik múlik týraly» 2011 jylǵy 1 naýryzdaǵy QR zańynyń 186-babyna jáne 2020 jylǵy 23 naýryzdaǵy QR Prezidenti janyndaǵy tótenshe jaǵdai rejimin qamtamasyz etý jónindegi memlekettik komissiia otyrysynyń hattamasyna sáikes Qazaqstan Respýblikasynyń Úkimeti QAÝLY ETEDI:
1. Aktsionerlik qoǵam (jaýapkershiligi shekteýli seriktestik) aktsiialarynyń memlekettik paketin (jarǵylyq kapitaldaǵy qatysý úlesterin) ielený jáne paidalaný quqyǵyn júzege asyratyn memlekettik organdar zańnamada belgilengen tártippen aktsionerlerdiń (qatysýshylardyń) jyldyq jalpy jinalystaryn ótkizý kezinde aktsionerlik qoǵamnyń (jaýapkershiligi shekteýli seriktestiktiń) taza kirisiniń bir bóligin 2019 jyl qorytyndysy boiynsha jyldyq qarjylyq eseptilikte kórsetilgen taza kiris somasynyń
100 (júz) protsentine deiingi mólsherde dividendterdi (kiris) tóleýge jiberý jáne olardy ýaqtyly aýdarý úshin sharalar qabyldasyn.
2. «Samuryq-Qazyna» ulttyq ál-aýqat qory» aktsionerlik qoǵamy zańnamada belgilengen tártippen 2019 jyldyń qorytyndysy boiynsha taza kiristi 100 (júz) protsentke deiingi mólsherde dividendter tóleýge jiberý úshin sharalar qabyldasyn.
3. Aktsionerlik qoǵam (jaýapkershiligi shekteýli seriktestik) aktsiialarynyń memlekettik paketin (jarǵylyq kapitaldaǵy qatysý úlesterin) ielený jáne paidalaný quqyǵyn júzege asyratyn memlekettik organdar zańnamada belgilengen tártippen 2020 jyldyń qorytyndylary boiynsha jáne odan keiingi jyldardyń aktsionerlerdiń (qatysýshylardyń) jyldyq jalpy jinalystaryn ótkizý kezinde aktsionerlik qoǵamnyń (jaýapkershiligi shekteýli seriktestiktiń) taza kirisiniń bir bóligin shoǵyrlandyrylǵan jyldyq qarjylyq eseptilikte, al enshiles uiymy (uiymdary) bolmaǵan jaǵdaida shoǵyrlandyrylmaǵan jyldyq qarjylyq eseptilikte kórsetilgen taza kiris somasynyń keminde 70 (jetpis) protsenti mólsherinde dividendter (kiris) tóleýge jiberý jáne olardy ýaqtyly aýdarý úshin sharalar qabyldasyn.
4. Aktsionerlik qoǵam (jaýapkershiligi shekteýli seriktestik) úshin taza kiristiń osy qaýlynyń 3-tarmaǵyna sáikes aiqyndalǵan protsenttik araqatynastan tómen mólsherde dividendter (kiris) tóleýge arnalǵan bóligin belgileýdi Respýblikalyq biýdjet komissiiasy mindetti túrde qaraýy tiis.
5. Osy qaýlyǵa qosymshaǵa sáikes Qazaqstan Respýblikasy Úkimetiniń keibir sheshimderiniń kúshi joiyldy dep tanylsyn.
6. Osy qaýly qol qoiylǵan kúninen bastap qoldanysqa engiziledi jáne resmi jariialanýǵa tiis.
