Foto: Ruslan Mazunin/lk-stuido.com
Astanada Qazaqstan Respýblikasynyń 2026 jylǵy klassikalyq shahmattan chempionatynyń finaly bastaldy. Onda jai medaldar men qomaqty aqshalai júldeler ǵana emes, erler men áielder olimpiadalyq quramalaryna oryndar da talasýda.
Qazaqstan Respýblikasynyń 2026 jylǵy klassikalyq shahmattan chempionatynyń finaly (QRCh-2026) 2-12 mamyr aralyǵynda Astanada Coventry University Kazakhstan-da Open (ashyq) jáne Women (áielder) eki sanatta ótýde.
Árqaisysynda 14 shahmatshydan qatysyp, 13 týr boiynsha ainalmaly júiemen, klassikalyq ýaqyt baqylaýy 90+30 (partiiaǵa 90 minýt + ár júristen bastap 30 sekýnd qosylady) formatynda oinaidy.
Foto: Ruslan Mazunin/lk-stuido.com
Foto: Ruslan Mazunin/lk-stuido.com
«Týrizm jáne sport ministrliginiń qoldaýymen Chempionat mártebesin kóterip kelemiz. Qazaqstan chempionatynyń finaly — sportshylar úshin bastapqy núkte. Biz Qazaqstannyń úzdik oiynshylarynyń barynsha kóp qatysýyn qamtamasyz etýge tyrysamyz. Búgin munda qurama músheleri de, jas talanttar da oinaidy. Osy turǵydan alǵanda chempionat qyzyqty bolady. Bir ǵana erekshelik — áielder arasynda álemdik top-50-ge kiretin shahmatshylar oinamaidy. Sondyqtan búgin Bibisara Asaýbaeva men Alýa Nurman oinamaidy. Bul eki shahmatshy qazir álemdik reitingte joǵary orynda tur: Bibisara — 7-orynda, Alýa — 26-orynda. Bastalyp jatqan chempionatta, meniń oiymsha, jas oiynshylardyń óneri erekshe qyzyqty bolady. Ásirese eń jas sportshylardyń. Menińshe, óte qyzyqty tosynsyilar bolýy múmkin», — dedi chempionattyń ashylýynda Qazaqstan shahmat federatsiiasynyń birinshi vitse-prezidenti Dármen Sádýaqasov.
Reglamentke sáikes QRCh-2025-tiń alǵashqy bes oryn iegerleri, QRCh-2026 jartylai finalynyń úsh jeńimpazy jáne 18 jasqa deiingi jáne 20 jasqa deiingi jasóspirimder chempionattarynyń eki jeńimpazy avtomatty túrde 14 finalisttiń qataryna endi. Qalǵan oryndar QShF nominanttaryna berildi, olardy Jattyqtyrýshylar keńesiniń usynysymen QShF Prezidiýmy bekitti.
Qatysýshylar tizimi 2026 jylǵy 1 mamyrdaǵy Elo reitingi boiynsha:
Foto: Ruslan Mazunin/lk-stuido.com
Erler (Open):
1. GM Denis Mahniov (2558, Pavlodar) – QRCh-2025 2-oryn;
2. GM Qazybek Nogerbek (2525, Astana) – QRCh-2025 1-oryn;
3. GM Alisher Súleimenov (2507, Pavlodar) – QShF nominanty;
4. IM Aldiiar Ansat (2488, Astana) – QRCh-2025 3-oryn;
5. IM Jandos Aǵmanov (2473, Astana) – QRCh-2025 4-oryn;
6. GM Edgar Mamedov (2470, Aqtaý) – QShF nominanty;
7. IM Saýat Nurǵaliev (2464, Astana) – QShF nominanty;
8. GM Ramazan Jalmahanov (2464, Almaty) – QRCh-2026 jartylai finalynyń 2-orny;
9. IM Daniial Sapenov (2458, Almaty) – QRCh-2025 5-oryn;
10. IM Ergali Súleimen (2396, Astana) – QShF nominanty;
11. IM Satbek Ahmedinov (2331, Astana) – QShF nominanty;
12. FM Jangir Bijigitov (2288, Almaty) – QRCh-2026 jartylai finalynyń 3-orny;
13. FM Dinmuhammed Túlendinov (2283, Almaty) – QRCh-2026 jartylai finalynyń 1-orny;
14. Vladislav Malygin (2187, Pavlodar) – Qazaqstannyń 2026 jylǵy U20 chempiony.
Foto: Ruslan Mazunin/lk-stuido.com
Áielder (Women):
1. IM Merýert Kamalidenova (2389, Astana) – QRCh-2025 3-oryn;
2. WGM Amina Kairbekova (2374, Astana) – QShF nominanty;
3. WGM Kseniia Balabaeva (2355, Almaty) – QRCh-2025 4-oryn;
4. WGM Liia Qurmanǵalieva (2346, Almaty) – QShF nominanty;
5. WIM Elnaz Qaliahmet (2314, Almaty) – QRCh-2025 1-oryn;
6. WIM Zarina Nurǵalieva (2279, Atyraý/Almaty) – QRCh-2025 2-oryn;
7. WIM Asel Serikbai (2240, Qyzylorda) – QShF nominanty;
8. WFM Aiarý Altynbek (2216, Astana) – QRCh-2026 jartylai finalynyń 1-orny;
9. WFM Mariia Holiavko (2202, Almaty) – Qazaqstannyń 2026 jylǵy U18 chempiony;
10. WFM Alanna Beriqqyzy (2142) – QShF nominanty;
11. WIM Aiaýlym Qaldarova (2105, Shymkent) – QShF nominanty;
12. Janbota Kamarova (2083, Astana) – Qazaqstannyń 2026 jylǵy U20 chempiony;
13. Aqnur Mamakova (2069, Astana) – QRCh-2026 jartylai finalynyń 2-orny;
14. Asiia Asylhan (1999, Túrkistan) – QShF nominanty.
Foto: Ruslan Mazunin/lk-stuido.com
