Tótenshe jaǵdailar komiteti aýa raiynyń buzylýyna bailanysty respýblikalyq mańyzy bar «Samara-Shymkent» tasjolynyń eki ýchaskesi jabylǵanyn eskertedi. Eshqandai kólik túrine jol joq, dep habarlaidy "Ult aqparat".
«3 qarashada keshki 20.00-den bastap aýa raiynyń buzylýyna bailanysty (qar, kóktaiǵaq, qatty boran) «Samara-Shymkent» respýblikalyq mańyzy bar jolynyń ýchaskesi (Qarabutaq aýylynan Qyzylorda oblysynyń shekarasyna deiingi 965-1240 shaqyrym aralyǵy) jabyldy», - delingen habarlamada.
Tótenshe jaǵdailar departamenti sonymen qatar, aýa raiynyń buzylýynan Samara-Shymkent respýblikalyq mańyzy bar jolynyń Aqtóbe oblysyndaǵy ýchaskesi de (Aral qalasynan Aqtóbe oblysynyń shekarasyna deiingi 1357-1240 shaqyrymy) jabylǵanyn habarlaidy.
