Búgin (1921-2011) qoǵam qairatkeri, zań ǵylymynyń doktory, professor, Qazaqstan Respýblikasy Ǵylym akademiiasynyń akademigi, Qazaqstannyń eńbek sińirgen ǵylym qairatkeri, Qazaqstan Respýblikasy Prezidentiniń Beibitshilik pen rýhani kelisim syilyǵynyń, Qazaqstan Memlekettik syilyǵynyń laýreaty Salyq Zimanovtyń týǵanyna 100 jyl toldy, dep habarlaidy "Ult aqparat".
Aita keteiik, 2019-2021 jyldarǵa arnalǵan mereitoilyq jáne estelik kúnderdiń tizbesine sáikes, Atyraý oblysy ákimdiginiń qoldaýhaty negizinde Mádeniet jáne sport ministrligimen 2021 jyly S.Zimanovtyń 100 jyldyǵyn merekeleý boiynsha tolyqtyrý engiziledi.
2021 jyly Nur-Sultan, Almaty, Qaraǵandy, Qostanai, Oral qalalarynyń JOO halyqaralyq jáne respýblikalyq mańyzy bar ǵylymi konferentsiialardy, onyń ishinde H.Dosmuhamedov atyndaǵy Atyraý ýniversiteti 2021 jyldyń aqpan aiynda jas ǵalymdar men stýdentterdiń halyqaralyq ǵylymi konferentsiiasyn ótkizýdi, Atyraý oblysynyń ákimdigi memlekettik aqparattyq tapsyrys aiasynda S.Z.Zimanovtyń ómiri týraly derekti film túsirýdi josparlap otyr.
Salyq Zimanov Atyraý qalasynda týǵan. Búkilodaqtyq zań institýtyn bitirgen. Ekinshi dúniejúzilik soǵysqa qatysqan. 1944-1945 jyldary - divizion, minomet polki, artileriia polki komandiri bolyp, polkovnik shenimen áskeri qyzmetten bosaǵan. 1946-1947 jyldary - Gýrev oblystyq prokýratýrasynyń tergeýshisi, aǵa tergeýshisi. 1947-1948 jyldary - Qazaq KSR Prokýratýrasy janyndaǵy erekshe mańyzdy ister jónindegi tergeýshi. 1948-1952 jyldary - Qazaqstan Respýblikasy Ǵylym akademiiasy quqyq sektorynyń aspiranty, aǵa ǵylymi qyzmetkeri, sektor meńgerýshisi.
1952-1958 jyldary - Almaty memlekettik zań institýtynyń direktory, Qazaq memlekettik ýniversiteti zań fakýltetiniń dekany. 1958-1969 jyldary - Qazaqstan Respýblikasy Ǵylym akademiiasy Filosofiia jáne quqyq institýtynyń direktory. 1969-1976 jyldary osy institýttyń bólim meńgerýshisi bolǵan.
1976-1977 jyldary - Qazaqstan Respýblikasy Ǵylym akademiiasy Tóralqasynyń bas ǵylymi-hatshysy. 1992-1994 jyldary - Qazaqstan Respýblikasy Ǵylym akademiiasy Memleket jáne quqyq institýtynyń bas ǵylymi qyzmetkeri. 1992-1993 jyldary - Qazaqstan Respýblikasy Joǵarǵy Keńesi Ardagerler men múgedekter jónindegi komitetiniń tóraǵasy. 1994-1995 jyldary - Qazaqstan Respýblikasy Joǵarǵy Keńesi Konstitýtsiialyq zańnama jáne adam quqyǵy jónindegi komitetiniń tóraǵasy. 1995-2005 jyldary - «Parasat» akademiialyq ýniversitetiniń rektory qyzmetterin atqarǵan.
2005 jyldan - qazirgi qyzmetinde. Atyraý oblysynyń Qurmetti azamaty. Zimanov «Qazaq KSR-iniń memlekettik egemendigi týraly Deklaratsiianyń» jobasyn daiyndaý jónindegi komissiiany basqaryp, «Qazaqstan Respýblikasynyń memlekettik táýelsizdigi týraly» Konstitýttsiialyq Zańnyń jobasyn daiyndaý jónindegi komissiianyń jetekshi músheleriniń biri boldy. Ǵalym 2001-2002 jyldary 1-shi jáne 2-shi tomdary jaryq kórgen 10 tomdyq «Qazaqtyń ata zańdary» entsiklopediiasyna ǵylymi jetekshilik jasaǵan. «Parasat», eki márte 1-shi dárejeli Otan soǵysy, Qyzyl Juldyz, Halyqtar dostyǵy ordenderimen, «Kavkazdy qorǵaǵany úshin», «Kenigsbergti alǵany úshin» medaldarymen marapattalǵan.
