Salyq zańnamasyna engiziletin túzetýlerdi 1 naýryzǵa deiin ázirleý qajet. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Jaqynda ótken Reformalar jónindegi joǵarǵy keńestiń otyrysynda jańa jaǵdaida shaǵyn jáne orta biznesti qosymsha qoldaý sharalary tanystyryldy», - dep atap ótti Úkimet basshysy.
Premer-Ministrdiń aitýynsha, usynylǵan ózgerister 500 myńdai jaldamaly jumyskerdi resmi jumyspen qamtýǵa, eńbekaqy tóleý qorynyń júktemesin azaitýǵa, salyq mindettemelerin oryndaý tártibin jeńildetýge jáne el ekonomikasyna jańa investitsiialar tartýǵa múmkindik beredi.
«Osyǵan orai Ulttyq ekonomika ministrligine múddeli memlekettik organdarmen birlesip, salyq zańnamasyna engiziletin qajetti túzetýlerdi biyldan qalmai iske asyrý úshin osy jylǵy 1 naýryzǵa deiin ázirleýdi tapsyramyn. Álihan Ashanuly, baqylaý jáne úilestirý sizge júkteledi», - dedi Asqar Mamin birinshi orynbasary Smaiylovqa qarata.
