Jer, kólik jáne múlik salyǵy boiynsha jinaqtalǵan 250 mln teńgeden asatyn qaryz boiynsha ósimpuldy esepten shyǵarýǵa múmkindigi bar 100 qazaqstandyqtyń tizimin jariialandy, dep habarlaidy QR QM Memlekettik kirister komitetiniń baspasóz qyzmeti.
Olardyń salyq boiynsha jalpy qaryzy qazirgi ýaqytta 263 845 620 teńgeni qurap otyr. Bul somanyń ishindegi negizgi qaryz úlesi – 166 150 674 teńge. 97 694 946 teńge – eseptelgen ósimpuldar.
Antireiting tiziminiń birinshi ornynda Almaty qalasynyń turǵyny. Onyń tóleýi tiis kólik salyǵynyń jalpy somasy 11 mln.teńgege (10 932 801 teńge) jýyq. Bul soma boiynsha negizgi qaryz – 6 314 141 teńge. Al, jinaqtalǵan ósimpul – 4 618 660 teńgeni qurap otyr.
Jer salyǵy boiynsha eń kóp borysh jinaqtaǵan azamat - Aqtóbe qalasynyń turǵyny. Ol jalpy somasy 723 455 teńge qaryzyn ótegen jaǵdaida 73 719 teńge somasyndaǵy ósimpuldan bosatylýy múmkin.
Sonymen birge, qazaqstandyqtar múlik salyǵy boiynsha da qaryz jinap úlgergen. Salyqtyń bul túrinde reitingti Nur-Sultan qalasynyń turǵyny bastap otyr. Onyń jalpy qaryzy - 1 165 033 teńge. Ol negizgi qaryz somasyn tólegen jaǵdaida 422 287 teńge ósimpuldy esepten shyǵara alady.
Boryshkerlerdiń tolyq tizimin MKK saitynda nemese kelesi silteme boiynsha kórýge bolady.
Eske sala keteiik, salyqtyq raqymshylyq 2020 jylǵy 31 jeltoqsanǵa deiin jalǵasady.
Salyq boiynsha negizgi qaryzyn ótegen azamattardyń jinaqtalǵan ósimpuldary esepten shyǵarylady.
Ósimpuldy esepten shyǵarý úshin eshqaida barýdyń qajeti joq.
Boryshtyń negizgi somasyn tóleý jetkilikti. Ósimpul avtomatty túrde esepten shyǵarylady.
Memlekettik kirister organdarynyń barlyq aýmaqtyq bólimshelerinde ósimpuldy esepten shyǵarý jónindegi komissiialar quryldy.
Jeke tulǵalar boryshtyń negizgi somasyn tólegen jaǵdaida ósimpuldy esepten shyǵarý jónindegi Ereje QR Qarjy ministriniń 2020 jylǵy 13 tamyzdaǵy №730 buiryǵymen bekitilgen.
Sondai-aq, 2020 jyldyń 1 sáýirinen keiin ótken salyq kezeńderi úshin negizgi qaryz somasy men ósimpuldy tólegen azamattar qarajatty aýmaqtyq memlekettik kirister organdaryna ótinish berý arqyly qaitaryp ala alady nemese bolashaq tólemder esebine qaldyrý múmkindigi qarastyrylǵan.
Salyqtyq beresheginiń bar-joǵy týraly málimetti QR QM Memlekettik kirister komitetiniń saityndaǵy silteme arqyly nemese «eSalyq mobile» (AppStore, PlayMarket) mobildi qosymshasy arqyly tekserýge bolady.
Memlekettik kirister komiteti aldaǵy ýaqytta da jaýapsyz salyq tóleýshiler tizimin jariialaýdy jalǵastyratyn bolady.
