جەر, كٶلٸك جەنە مٷلٸك سالىعى بويىنشا جيناقتالعان 250 ملن تەڭگەدەن اساتىن قارىز بويىنشا ٶسٸمپۇلدى ەسەپتەن شىعارۋعا مٷمكٸندٸگٸ بار 100 قازاقستاندىقتىڭ تٸزٸمٸن جارييالاندى, دەپ حابارلايدى قر قم مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸ.
ولاردىڭ سالىق بويىنشا جالپى قارىزى قازٸرگٸ ۋاقىتتا 263 845 620 تەڭگەنٸ قۇراپ وتىر. بۇل سومانىڭ ٸشٸندەگٸ نەگٸزگٸ قارىز ٷلەسٸ – 166 150 674 تەڭگە. 97 694 946 تەڭگە – ەسەپتەلگەن ٶسٸمپۇلدار.
انتيرەيتينگ تٸزٸمٸنٸڭ بٸرٸنشٸ ورنىندا الماتى قالاسىنىڭ تۇرعىنى. ونىڭ تٶلەۋٸ تيٸس كٶلٸك سالىعىنىڭ جالپى سوماسى 11 ملن.تەڭگەگە (10 932 801 تەڭگە) جۋىق. بۇل سوما بويىنشا نەگٸزگٸ قارىز – 6 314 141 تەڭگە. ال, جيناقتالعان ٶسٸمپۇل – 4 618 660 تەڭگەنٸ قۇراپ وتىر.
جەر سالىعى بويىنشا ەڭ كٶپ بورىش جيناقتاعان ازامات - اقتٶبە قالاسىنىڭ تۇرعىنى. ول جالپى سوماسى 723 455 تەڭگە قارىزىن ٶتەگەن جاعدايدا 73 719 تەڭگە سوماسىنداعى ٶسٸمپۇلدان بوساتىلۋى مٷمكٸن.
سونىمەن بٸرگە, قازاقستاندىقتار مٷلٸك سالىعى بويىنشا دا قارىز جيناپ ٷلگەرگەن. سالىقتىڭ بۇل تٷرٸندە رەيتينگتٸ نۇر-سۇلتان قالاسىنىڭ تۇرعىنى باستاپ وتىر. ونىڭ جالپى قارىزى - 1 165 033 تەڭگە. ول نەگٸزگٸ قارىز سوماسىن تٶلەگەن جاعدايدا 422 287 تەڭگە ٶسٸمپۇلدى ەسەپتەن شىعارا الادى.
بورىشكەرلەردٸڭ تولىق تٸزٸمٸن مكك سايتىندا نەمەسە كەلەسٸ سٸلتەمە بويىنشا كٶرۋگە بولادى.
ەسكە سالا كەتەيٸك, سالىقتىق راقىمشىلىق 2020 جىلعى 31 جەلتوقسانعا دەيٸن جالعاسادى.
سالىق بويىنشا نەگٸزگٸ قارىزىن ٶتەگەن ازاماتتاردىڭ جيناقتالعان ٶسٸمپۇلدارى ەسەپتەن شىعارىلادى.
ٶسٸمپۇلدى ەسەپتەن شىعارۋ ٷشٸن ەشقايدا بارۋدىڭ قاجەتٸ جوق.
بورىشتىڭ نەگٸزگٸ سوماسىن تٶلەۋ جەتكٸلٸكتٸ. ٶسٸمپۇل اۆتوماتتى تٷردە ەسەپتەن شىعارىلادى.
مەملەكەتتٸك كٸرٸستەر ورگاندارىنىڭ بارلىق اۋماقتىق بٶلٸمشەلەرٸندە ٶسٸمپۇلدى ەسەپتەن شىعارۋ جٶنٸندەگٸ كوميسسييالار قۇرىلدى.
جەكە تۇلعالار بورىشتىڭ نەگٸزگٸ سوماسىن تٶلەگەن جاعدايدا ٶسٸمپۇلدى ەسەپتەن شىعارۋ جٶنٸندەگٸ ەرەجە قر قارجى مينيسترٸنٸڭ 2020 جىلعى 13 تامىزداعى №730 بۇيرىعىمەن بەكٸتٸلگەن.
سونداي-اق, 2020 جىلدىڭ 1 سەۋٸرٸنەن كەيٸن ٶتكەن سالىق كەزەڭدەرٸ ٷشٸن نەگٸزگٸ قارىز سوماسى مەن ٶسٸمپۇلدى تٶلەگەن ازاماتتار قاراجاتتى اۋماقتىق مەملەكەتتٸك كٸرٸستەر ورگاندارىنا ٶتٸنٸش بەرۋ ارقىلى قايتارىپ الا الادى نەمەسە بولاشاق تٶلەمدەر ەسەبٸنە قالدىرۋ مٷمكٸندٸگٸ قاراستىرىلعان.
سالىقتىق بەرەشەگٸنٸڭ بار-جوعى تۋرالى مەلٸمەتتٸ قر قم مەملەكەتتٸك كٸرٸستەر كوميتەتٸنٸڭ سايتىنداعى سٸلتەمە ارقىلى نەمەسە «eSalyq mobile» (AppStore, PlayMarket) موبيلدٸ قوسىمشاسى ارقىلى تەكسەرۋگە بولادى.
مەملەكەتتٸك كٸرٸستەر كوميتەتٸ الداعى ۋاقىتتا دا جاۋاپسىز سالىق تٶلەۋشٸلەر تٸزٸمٸن جارييالاۋدى جالعاستىراتىن بولادى.
