QR Ulttyq ekonomika vitse-ministri Mádi Takiev salyqtyq ákimshilendirý salasyndaǵy jeńildikterdi túsindirdi, dep habarlaidy "Ult aqparat".
«2020 jyldyń 1 maýsymyna deiin shaǵyn jáne orta biznes sýbektileri úshin barlyq salyqtar men biýdjetke mindetti tólemder men áleýmettik jarnalardy (jeke tabys salyǵy, áleýmettik salyq, qyzmetker úshin áleýmettik jáne meditsinalyq saqtandyrý) tóleýge, sondai-aq salyq, keden jáne áleýmettik tólemder boiynsha bereshekti májbúrlep óndirip alý boiynsha jumys merzimin uzartý engizildi», - dedi M. Tákiev Ortalyq kommýnikatsiialar qyzmetinde.
Sonymen qatar ol tótenshe jaǵdai kezeńinde salyqtyq tekserýler toqtatylǵanyn eske saldy.
«2019 jylǵy mindettemeler boiynsha salyq eseptiligi nysandaryn tapsyrý merzimi 2020 jylǵy 31 naýryzdan 2020 jylǵy 31 mamyrǵa aýystyryldy», - dedi.
Atap aitqanda, jalpy salyqtyq sharalar 700 myńnan astam salyq tóleýshini qamtidy.
